បាត់ដំបង៖បក្ខពួកចំនួន៧នាក់ រួមទាំងអាចោរជើងមួយ(អាប៉ោង)ផង ត្រូវបានរៀបចំបញ្ជូនទៅសាលាដំបូងខេត្តបាត់ដំបង នៅ ថ្ងៃទី១១ ខែធ្នូ ឆ្នាំ២០២០ នេះហើយ។
ដោយអនុវត្តន៍តាមបទបញ្ជារបស់លោកឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជា យោបល់របស់លោក វរសេនីយ៍ឯក លឹម ពុទ្ធីឡា ស្នងការរង ផែនការងារ នគរបាល ព្រហ្មទណ្ឌ កាលពីថ្ងៃទី១១ ខែធ្នូ ឆ្នាំ២០២០ វេលាម៉ោង ១៤និង៥០នាទី នៅចំណុចភូមិអូរញ ឃុំបឹងព្រីង ស្រុកថ្មគោល ខេត្តបាត់ដំបង លោក វរសេនីយ៍ឯក ឈឿង គឹមសុង នាយ ការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងជំនាញ សហការជាមួយ ក្រុមអន្តរាគមន៍ បង្ការបង្ក្រាបរួមជាមួយកម្លាំងនគរបាលស្រុកថ្មគោលផង ចុះប្រតិបត្តិការបង្ក្រាបករណីលេងល្បែងស៊ីសង ( ភ្នាល់អាប៉ោង ) ឬ ហៅថាអាចោរជើងមួយ ចំនួន០១ ករណី ដោយបានធ្វើការនាំខ្លួនមនុស្សចំនួន ៧នាក់ ដែលជាអ្នកស្និទ្ធបំផុតជាមួយអាចោរជើងមួយនេះ។ វត្ថុតាងដកហូតមាន ៖- បៀរចំនួន ៣ ហ៊ូ – គ្រាប់អាប៉ោង ចំនួន ២ គ្រាប់ – ផ្តិលគ្របអាប៉ោងចំនួន ១ – ចានសម្រាប់បាញ់អាប៉ោងចំនួន ១ – ឈើឫស្សីសម្រាប់សង្កត់ប្រាក់ចំនួន ៥ – ចានដាក់ដីសម្រាប់ទ្រចានបាញ់អាប៉ោងចំនួន ១ – ឧបករណ៍សម្រាប់ កិប នឹងគ្រាប់កិប ចំនួន ០១ – ម៉ូតូចំនួន ៤ គ្រឿង ។ បច្ចុប្បន្ន កម្លាំងការិយាល័យជំនាញ កំពុងធ្វើការកសាងសំណុំរឿង ដើម្បីបញ្ជូនទាំងមនុស្សនិងវត្ថុតាងទៅសាលាដំបូងខេត្តបាត់ដំបង ចាត់ការបន្ត តាមនីតិវិធីច្បាប់ ៕ រក្សាសិទ្ធិដោយ៖បញ្ញាស័ក្តិ