ភ្នំពេញ ៖ អភិបាលខណ្ឌប្ញស្សីកែវ ដឹកនាំកម្លាំងគណៈបញ្ជាឯកភាពរដ្ឋបាលខណ្ឌ សហការជាមួយ កម្លាំងនគរបាលពន្លត់អគ្គិភ័យចុះពន្លត់អគ្គិភ័យដែលឆាបឆេះ កាលពីនៅវេលាម៉ោង ១២និង០០នាទីថ្ងៃត្រង់ ថៃ្ងសៅរ៍ ទី១២ ខែធ្នូ ឆ្នាំ២០២០ ដែលស្ថិតនៅតាមបណ្តោយផ្លូវលំ ក្រុមទី១ ភូមិ៤ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។
តាមសេចក្ដីរាយការណ៍របស់កម្លាំងសមត្ថកិច្ច បានដឹងថា ផ្ទះដែលឆាប់ឆេះនោះមានឈ្មោះទី១ ឈ្មោះ រូន យ៉ា ភេទប្រុស អាយុ៧៤ឆ្នាំ (ជនជាតិ ខ្មែរឥស្លាម)មុខរបរនៅផ្ទះ។ ម្ចាស់ផ្ទះទី២ ឈ្មោះ រូន ម៉ាត់ ភេទប្រុស អាយុ៥៥ឆ្នាំ (ជនជាតិខ្មែរឥស្លាម)មុខរបរជាងដំដែក។
លោកនាយការិយាល័យ បានបញ្ជាក់ផងដែរ មូលហេតុអគ្គិភ័យនេះកើតឡើង គឺជំហានដំបូង សមត្ថកិច្ចដាក់សង្ស័យថា មូលហេតុនៃការឆាបឆេះគឺឆ្លងចរន្តអគ្គិសនី ជាប្រភេទសំណង់ថ្មក្រោមឈើលើប្រក់ក្បឿង (ទំហំ ៦ម៉ែត្រ x ១៤ម៉ែត្រ) សម្ភារដែលរងការខូចខាត ឆេះផ្ទះសង់ពីថ្មក្រោមឈើលើប្រក់ក្បឿង (ទំហំ៦ម៉ែត្រ x ១៤ម៉ែត្រ) អស់ចំនួន ២ខ្នង ហើយការឆាប់ឆេះនោះ ពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាងឡើយ ។
ក្នុងប្រតិបត្តិការនេះផងដែរ កម្លាំងនគរបាលពន្លត់និងបង្ការអគ្គិភ័យ បានប្រើប្រាស់រថយន្តពន្លត់អគ្គិភ័យរបស់ការិយាល័យអគ្គិភ័យ អស់ចំនួន ៥គ្រឿង ប្រើប្រាស់ទឹកអស់ចំនួន ៧ឡាន ស្មើនឹង ២៨ម៉ែត្រគូប ដើម្បីបាញ់ពន្លត់ និង រថយន្តជំនួយរបស់សាលាខណ្ឌឫស្សីកែវ ចំនួន ១គ្រឿងប្រើប្រាស់ទឹកអស់ ១ឡានស្មើនឹង៤ម៉ែត្រគូប ។ កម្លាំងនគរបាលពន្លត់និងបង្ការអគ្គិភ័យ បានបញ្ជាក់ទៀតថា ក្នុង ហេតុការណ៍ឆាបឆេះនោះមិនអ្នកណារងរបួសឬបាត់បង់អាយុជីវិតនោះទេ គ្រាន់តែរងការខូចខាតសម្ភារតែប៉ុណ្ណោះ៕ រក្សាសិទ្ធិដោយ៖ពន្លឺ