ខេត្តស្វាយរៀង ៖ បណ្តាញសង្គមហ្វេសប៊ុក បានបង្ហោះរូបភាពវីដេអូ ពីសកម្មភាពរបស់ក្រុមក្មេងទំនើងជិះម៉ូតូបង្ហោះយ៉ាងសប្បាយនៅលើផ្លូវជាតិលេខ១ ផ្អើលទីក្រុងស្វាយរៀង។
គេសង្កេតឃើញក្រុមក្មេងស្ទាវ ឬក្មេងទំនើង ដោយជិះម៉ូតូបង្ហោះ នៅលើផ្លូវជាតិលេខ១ ខាងមុខវិទ្យាល័យចេក ដែលស្ថិតនៅក្រុងស្វាយរៀង ខេត្តស្វាយរៀង ។ ដូចនេះ សូមផ្តាំផ្ញើទៅដល់អាណាព្យាបាល និងបងៗជាសមត្ថកិច្ចនៅទីនោះ ជួយក្រឡេកមើលផង ដោយពួកគេមានភាពក្លាហានណាស់ ហើយជួយណែនាំកូនផង ព្រោះផ្លួវជាតិលេខ១ សព្វថ្ងៃនេះមាន ឡានកុងតឺន័រធំៗបើកបរច្រើនណាស់ ឡានតូចៗក៏បើកលឿនៗណាស់ដែរ ជាពិសេសក្រុមរថយន្តតាក់ស៊ីផ្តាច់ព្រលឹង ដូច្នេះប្រយ័ត្នគ្រោះថ្នាក់ណាក្រុមក្មេងទំនើង។ មហាជនសង្ឃឹមថា បងៗសមត្ថកិច្ចនៅស្វាយរៀង ដែលឈរជើងនៅម្តុំវិទ្យាល័យចេក នឹងចាត់វិធានការ ដោយចាប់ពួកក្មេងទំនើងទាំងនេះ មកណែនាំអប់រំផងដែរ៕ រក្សាសិទ្ធិដោយ៖បញ្ញាស័ក្តិ
