ភ្នំពេញ៖ កម្លាំងជំនាញរបស់ការិយាលយ័នគរបាលព្រហ្មទណ្ឌកំរិតធ្ងន់ សហការជាមួយកម្លាំងអធិការដ្ឋាននគរបាលខណ្ឌកំបូល កម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ និងអធិការដ្ឋាននគរបាលខណ្ឌដង្កោ បានស្រាវជ្រាវឃាត់ខ្លួនបានជនសង្ស័យម្នាក់ ករណីពាក់ព័ន្ធករណីបង្ខាំងមនុស្សជំរិតទារប្រាក់ នៅចំណុចតាមផ្លូវបេតុង ភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញបញ្ជូនមកឣធិការដ្ឋាននគរាលខណ្ឌកំបូល ដើម្បីចាត់ការតាមនីតិវិធីកាលពីថ្ងៃទី១៧ ខែធ្នូ ឆ្នាំ២០២០ វេលាម៉ោងប្រហែល១១នឹង៣០នាទី។
លោកវរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ជនសង្ស័យឈ្មោះ សៅ ប្រុស ហៅ បញ្ញា ភេទប្រុស អាយុ៣៧ឆ្នាំ មុខរបរមិនពិតប្រាកដ។
ដកហូតវត្ថុតាង៖ ម៉ូតូចំនួន០១គ្រឿង ម៉ាកហុងដាសេ១២៥ ពណ៌ខ្មៅ ស៊េរីឆ្នាំ០១៤ ពាក់ផ្លាកលេខ ភ្នំពេញ 1CB-9032, ទូរស័ព្ទ ចំនួន ០១គ្រឿង ម៉ាកចុចពិល ពណ៌ខៀវ មានស៊ីមលេខ 088 77 80 913។
នាយការិយាល័យនគរបាលព្រហ្មទណ្ឌកំរិតធ្ងន់ បន្ថែមថាក្រោយការសាកសួរយកចម្លើយជនសង្ស័យបានសាភាពថាខ្លួនពិតជាបានធ្វើសកម្មភាព បង្ខាំងមនុស្សជំរិតទារប្រាក់ ចំនួន១០លានរៀល ដោយប្រើទូរស័ព្ទលេខ 088 7780913 ទូរស័ព្ទទៅម្តាយជនរងគ្រោះលេខ 088 6143251 ដើម្បីគំរាមទារប្រាក់ពីម្តាយជនរងគ្រោះនិងបានប្រព្រឹត្តអំពើ រំលោភសេពសន្ថវៈលើជនរងគ្រោះចំនួន៥ លើកនៅក្នុងបន្ទប់ផ្ទះសំណាក់ ភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ពិតប្រាកដមែន។
ជនរងគ្រោះឈ្មោះ អ ឧ ស អាយុ១៦ឆ្នាំ ជនជាតិខ្មែរ ស្នាក់នៅផ្ទះគ្មានលេខ ភូមិស្នាក់នៅភូមិព្រៃពួច ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង មុខរបរ សិស្ស(ខេត្តកំពង់ឆ្នាំង)។
វត្ថុតាងចាប់យកមាន៖ ម៉ូតូចំនួន០១គ្រឿង ម៉ាកហុងដាសេ១២៥ ពណ៌ខ្មៅ ស៊េរីឆ្នាំ០១៤ ពាក់ផ្លាកលេខ ភ្នំពេញ 1CB-9032,ទូរស័ព្ទចំនួន០១គ្រឿង ម៉ាកចុចពិល ពណ៌ខៀវ មានស៊ីមលេខ 088 77 80 913, ខោខូវប៊យ ជើងវែង ចំនួន០១, អាវដៃវែង ពណ៌ក្រហម ចំនួន០១។
បច្ចុប្បន្នជនសង្ស័យ និងវត្ថុតាង ការិយាល័យនគរបាលព្រហ្មទណ្ឌកំរិតធ្ងន់បានប្រគល់ជូនឣធិការដ្ឋាននគរបាលខណ្ឌកំបូល ដើម្បីចាត់ការតាមនីតិវិធី ៕រក្សាសិទ្ធិដោយ៖បញ្ញាស័ក្តិ
