ព្រះសីហនុ ៖ មានករណីមនុស្សមិនស្គាល់អត្តសញ្ញាណម្នាក់បានកាន់កូនកាំបិតដើរតាមដងផ្លូវជាតិ៤ រួចអារកខ្លួនឯង នៅព្រឹកថ្ងៃទី១៨ ខែធ្នូ ឆ្នាំ២០២០ នៅចំណុចភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ ។
សមត្ថកិច្ចប្រាប់ថា បុរសម្នាក់បានយកកូនកាំបិតតូច ចាក់បំពង់ ក ខ្លួនឯង ឈាមហូរស្រោចពេញខ្លួន រួចដើរតាមបណ្តោយផ្លូវជាតិលេខ៤ចំណុចប្រជុំជនវាលរេញ ដោយដើរបណ្តើរ ចាក់លើ ក ខ្លួនឯងបណ្តើរ បង្កឲ្យមានការភ្ញាក់ផ្អើល ហើយភ្លាមៗសមត្ថកិច្ចនគរបាលបានចុះអន្តរាគមន៍ព្យាយាមជួយសង្គ្រោះ ប៉ុន្តែដោយសារតែរបួសធ្ងន់ធ្ងរពេក បន្តិចក្រោយមកជនរងគ្រោះបានស្លាប់ មិនអាចសង្គ្រោះបានឡើយ។
ហើយបើតាមសមត្ថកិច្ចបញ្ជាក់ថា ករណីដែលមិនអាចជួយសង្គ្រោះបាន ដោយសារតែបុរសរូបនេះ រត់បណ្តើរ ចាក់បំពង់ ក ខ្លួនឯងបណ្តើរ រហូតដល់ស្លាប់ ។ បុរសរងគ្រោះនៅពុំទាន់ស្គាល់អត្តសញ្ញាណនៅឡើយ សមត្ថកិច្ចកំពុងស្រាវជ្រាវរកសាច់ញាតិ ។ សាកសពជនរងគ្រោះ សមត្ថកិច្ចបានយករថយន្តពេទ្យ ដឹកទៅរក្សាទុកបណ្តោះអាសន្នវត្តសំរុង ឃុំសំរុងស្រុកព្រៃនប់ខេត្តព្រះសីហនុ៕រក្សាសិទ្ធិដោយ៖បញ្ញាស័ក្តិ
