ភ្នំពេញ៖ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យតែងតាំង លោកស្រី បាន ស្រីមុំ អតីតតំណាងរាស្ត្រមណ្ឌលប៉ៃលិន ជាអភិបាលខេត្តប៉ៃលិន ជំនួស លោក ផាន់ ចាន់ធុល ដែលត្រូវបានដំឡើងជាអនុរដ្ឋលេខាធិការ នៃក្រសួងមហាផ្ទៃ។
លោក ផាន់ ចាន់ធុល ឡើងកាន់តំណែងជាអភិបាលខេត្តប៉ៃលិន ជំនួស លោក កើត សុធា ដែលចូលនិវត្តន៍ កាលពីខែមេសា ឆ្នាំ២០១៨ ។ ដោយឡែក លោកស្រី បាន ស្រីមុំ ជាតំណាងរាស្ត្រនៅមណ្ឌលប៉ៃលិន ចាប់តាំងពីឆ្នាំ២០១៣មកនោះ ត្រូវបានព្រះមហាក្សត្រ ចេញព្រះរាជក្រឹត្យតែងតាំងជាអភិបាលខេត្តប៉ៃលិន ជំនួស លោក ផាន់ ចាន់ធុល ៕រក្សាសិទ្ធិដោយ៖បញ្ញាស័ក្តិ