ខេត្តព្រះសីហនុ ៖ កម្លាំងជំនាញការិយាល័យ ព្រហ្មទណ្ឌកំរិតស្រាល ស្រាវជ្រាវចាប់ជនសង្ស័យជនជាតិចិនម្នាក់ ភេទប្រុស កំពុងជិះរថយន្តម្នាក់ឯងតាមផ្លូវឆ្នេរអូរឈើទាល ស្ថិតនៅភូមិ៤ សង្កាត់៤ ក្រុង-ខេត្តព្រះសីហនុ បន្ទាប់មកកម្លាំងសមត្ថកិច្ចយើងបានធ្វើការឆែកឆេរនៅលើខ្លួនជនសង្ស័យ រកឃើញគ្រឿងញៀនជាច្រើន និងអាវុធខ្លី ១ដើមបន្ថែមទៀត នៅថ្ងៃទី១៧ ខែធ្នូ ឆ្នាំ២០២០ វេលាម៉ោង ២៣និង០០នាទី។
ជនសង្ស័យឈ្មោះ TANG ZHANG WEI ភេទប្រុស អាយុ ៣៤ឆ្នាំ ជនជាតិចិន មុខរបរ អ្នកនាំភ្ញៀវនៅកាស៊ីណូ ស៊ីងតាលូ លិខិតឆ្លងដែល (មិនយកជាប់ខ្លួន) ស្នាក់នៅសណ្ឋាគារ អាលីយ៉ា ស្ថិតនៅ ភូមិ៤ សង្កាត់៤ ក្រុង-ខេត្តព្រះសីហនុ ។
វត្ថុតាងចាប់យកបានរួមមាន -អាវុធខ្លី ០១ដើម ម៉ាក Zoraki 2914-TD មានលេខសម្គាល់ៈ 0620-000002, បង់កាំភ្លើង ០១ មានគ្រាប់កាំភ្លើង ០៩គ្រាប់ ។ -គ្រឿងញៀន ១០កញ្ចប់ -ថ្នាំគ្រាប់ពណ៌ក្រហម មានអក្ស WY ០១កញ្ចប់ មាន០៥គ្រាប់ ។ -ក្រដាសអាលុយមីឡូមសម្រាប់ប្រើគ្រឿងញៀន មួយចំនួន ។ -រថយន្ត ០១គ្រឿងម៉ាក LEXUS RX330 ពណ៌ប្រផេះ ស្លាកលេខៈ ភ្នំពេញ 2BA-4980 ៕រក្សាសិទ្ធិដោយ៖បញ្ញាស័ក្តិ
