ព្រះសីហនុ ៖ក្មេងស្រីម្នាក់បានស្លាប់និងស្ត្រីម្នាក់រងរបួសធ្ងន់ ដោយគ្រោះថ្នាក់ចរាចរណ៍រវាងរថយន្ដនិងម៉ូតូ លើផ្លូវល្បឿនលឿនកំពុងសាងសង់ស្ថិតនៅភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ វេលាម៉ោង ៨ ព្រឹក ថ្ងៃទី២០ ខែ ធ្នូឆ្នាំ២០២០។ ជនរងគ្រោះជាភាគីខាងម៉ូតូ(ម្តាយនិងកូនស្រី) ។
សមត្ថកិច្ចបញ្ជាក់ថា រថយន្តម៉ាកFOTON ពណ៌ ស ផ្លាកលេខ AT ១៩ ៣-១៣៥០ បើបរដោយឈ្មោះ ចាង សៀខាង ភេទប្រុស អាយុ៤០ឆ្នាំ ជនជាតិចិន មុខរបរបើកបរ រថយន្ដស្ទូចរបស់ក្រុមហ៊ុនសាងសង់ផ្លូវចំណុចគីឡូម៉ែត១៨០ ចំណែកម៉ូតូ ម៉ាក ហុងដា ឌ្រីម C១២៥ ពណ៌ខ្មៅ ពាក់ផ្លាកលេខ ព្រះសីហនុ ១I-៤៩០២ បើកបរដោយឈ្មោះ គួន ស្រីលីស ភេទស្រី អាយុ ២៨ឆ្នាំ មុខរបរលក់ចាប់ហួយ ស្នាក់នៅចំណុចកើតហេតុ(រងរបួសធ្ងន់) និងអ្នករួមដំណើរម្នាក់ឈ្មោះ ចន ស្រីឡែន ភេទស្រី អាយុ៦ឆ្នាំ ស្លាប់ក្រោយពេលបញ្ចូនទៅដល់មន្ទីរពេទ្យ(ត្រូវជាកូនបង្កើត)។
ក្រោយកើតហេតុ អ្នកបើកបររថយន្តត្រូវបានសមត្ថកិច្ចឃាត់ខ្លួន ហើយរថយន្ដនិងម៉ូតូត្រូវបានយកមករក្សាទុកនៅ អធិការដ្ឋានស្រុកស្ទឹងហាវ ដើម្បីដោះស្រាយតាមនីតិវិធីច្បាប់ ៕រក្សាសិទ្ធិដោយ៖បញ្ញាស័ក្តិ
