ភ្នំពេញ៖ បុរសម្នាក់បើករថយន្តម៉ាកហ៊ីយ៉ាន់ដាយ១គ្រឿង ខ្វះការប្រុងប្រយ័ត្នក៏បានរេចង្កូតទៅឡើងលើខឿនទ្រូងផ្លូវ ហើយជ្រុលទៅកៀរនឹងរឺម៉កដែលបើកដឹកកម្មករ នៅខាងមុខបណ្ដាលឲ្យធ្លាក់ប្រឡាយក្រឡាប់ ទាំងរ៉ឺម៉កទាំងរថយន្តខ្ទាតសំបកកង់ឡានចេញពេញកន្លែងចិញ្ចឹមត្រី ហើយបង្កឲ្យមានមនុស្សចំនួន៧នាក់ រងរបួសធ្ងន់និងស្រាលត្រូវបានដឹកយកទៅសង្គ្រោះនៅឯមន្ទីរពេទ្យ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៦នឹង៣០នាទីព្រឹក ថ្ងៃទី២១ ខែធ្នូឆ្នាំ ២០២០ ស្ថិតតាមបណ្ដោយផ្លូវជាតិលេខ៥ ទល់មុខនឹងភូមិឌួង ក្នុងសង្កាត់ព្រែកព្នៅ ខណ្ឌព្រែកពៅ រាជធានីភ្នំពេញ។
តាមប្រភពព័ត៌មាន ពីប្រជាពលរដ្ឋដែលនៅនឹងកន្លែងកើតហេតុ បានប្រាប់ឲ្យដឹងថា នៅមុនពេលកើតហេតុណ៍ គេបានឃើញរ៉ឺម៉កនឹងរថយន្តម៉ាកហ៊ីយ៉ាន់ដាយធុនធំ ពណ៌សមួយគ្រឿងពាក់ផ្លាកលេខភ្នំពេញ3-B 8190 បើកបរស្រប់ទិសដៅគ្នាជាមួយនឹងរ៉ឺម៉ក ពេលមកដល់ចំណុចកើតហេតុខាងលើ ក៏បានរេចង្កូតទៅឡើងលើខឿនទ្រូងផ្លូវហើយជ្រុលទៅកៀរនិងរ៉ឺម៉កបណ្ដោល ឲ្យធ្លាក់ទៅក្នុងប្រឡាយខ្ទៀតកង់ឡាន ចេញពីរថយន្តពាសពេញក្នុងទឹកកន្លែងចិញ្ចឹមត្រី និងបណ្ដាលឲ្យមនុស្សចំនួន ៧ នាក់រងរបួសធ្ងន់និងស្រាល ត្រូវបានបញ្ជូនយកទៅសង្គ្រោះនៅឯមន្ទីរពេទ្យ ។
ក្រោយកើតហេតុសមត្ថកិច្ចមូលដ្ឋាន ក៏បានចុះមកដល់ដើម្បីធ្វើការវាស់វែង និងយករថយន្តបង្កក៏ជាមួយនិងរ៉ឺម៉កជនរងគ្រោះ ទៅរក្សាទុករង់ចាំដោះស្រាយគ្នានៅពេលក្រោយ៕ រក្សាសិទ្ធិដោយ៖ហេងវុត្ថា