ទោះជាមិនមានការកើនឡើងឬថយចុះថ្លៃភាគហ៊ុនដែលបានស្ថិតនៅត្រឹម១.៣៥០រៀលក្តី ភាគហ៊ុនរបស់ក្រុមហ៊ុនតំបន់សេដ្ឋកិច្ចពិសេសភ្នំពេញ ឬហៅកាត់ថា PPSP ក្នុងថ្ងៃអង្គារ មានទំហំជួញដូរខ្ពស់គួរឱ្យកត់សម្គាល់ គឺ១៩៤,៧៤លានរៀល។
ភាគហ៊ុនរបស់កំពង់ផែស្វយ័តក្រុងព្រះសីហនុ (PAS) បានរក្សាថ្លៃថេរដដែល ត្រឹម ១៤.១៨០រៀល ផងដែរ។ ស្របពេលជាមួយគ្នានេះ ភាគហ៊ុនរបស់រដ្ឋាករទឹកស្វយ័តក្រុងភ្នំពេញ (PWSA) កើនឡើងដល់ ៦.០០០រៀល។
ផ្ទុយមកវិញ ភាគហ៊ុនបួន ដែលរួមមាន ក្រុមហ៊ុន ហ្គ្រេនធ្វីន (GTI) ភាគហ៊ុនរបស់កំពង់ផែក្រុងភ្នំពេញ
(PPAP) ភាគហ៊ុនរបស់អេស៊ីលីដា (ABC) និង ភាគហ៊ុនរបស់ PEPC បានធ្លាក់ចុះមកត្រឹម ៣.៣៥០រៀល ១១.៧៤០រៀល ១៧.០៤០រៀល និង២.៩០០រៀលរៀងគ្នា ដែលមានការថយចុះចន្លោះពី ៦០រៀល ទៅ ២០០រៀល។
ការថយចុះនៃថ្លៃភាគហ៊ុនទាំងបួននេះជាហេតុដែលបណ្តាលឱ្យសន្ទស្សន៍ផ្សារមូលបត្រកម្ពុជា (ផ.ម.ក.) មានការថយចុះ០,៤៩ ភាគរយ មកត្រឹម ៦៤៦,៨៣ពិន្ទុ ។ ទំហំជួញដូរភាគហ៊ុនសរុបបានកើនដល់៣៥៦,៦៩លានរៀល ដែលភាគហ៊ុន PPSP និងABC មានចំណែកដល់ទៅ៥៥ភាគរយ និង២៦ភាគរយ រៀងគ្នានៃទំហំសរុប៕ រក្សាសិទ្ធិដោយ ៖ CEN