ភ្នំពេញ៖ ប្រិយមិត្ត និងមហាជនបានទទួលជ្រាបហើយ ពីព័ត៌មានផ្ទុះការចាប់អារម្មណ៍កាលពីល្ងាចម្សិលមិញ ទាក់ទងជំទាវឧកញ៉ា អ៊ាន សៀវម៉ី បានឡើងមកតុលាការមុនថ្ងៃកំណត់ ដែលតុលាការសាលាដំបូងរាជធានីភ្នំពេញ កោះហៅឲ្យចូលខ្លួនមកបំភ្លឺនៅថ្ងៃទី២៤ ខែធ្នូ ឆ្នាំ២០២០ នេះ ពាក់ព័ន្ធករណីបរិហារកេរ្ដិ៍ជាសាធារណៈ, ញុះញង់ឲ្យមានការរើសអើង ដែលប្រព្រឹត្ដទៅនៅរាជធានីភ្នំពេញ។
តែអ្វីដែលធ្វើឲ្យមហាជនមានការចាប់អារម្មណ៍នោះ គឺខណៈពេលមកតុលាការ លោកស្រី អ៊ាន សៀវម៉ី ហាក់ពុំតែងកាយឡូយឆាយនោះទេ តែបែរដាក់ខ្លួនស្ថិតក្នុងសម្លៀកបំពាក់យ៉ាងសាមញ្ញមើលសឹងមិនស្គាល់ និងពិសេសនោះ គឺជិះឡាន Prius ស៊េរីទាប មិនជិះ Roll Royce ឲ្យកាលីបសោះ។
ក្រោយឃើញបែបនេះ លោកជំទាវ ហ៊ុន ណាត ព្រោះតែអស់សំណើចពេក ក៏បានសៀតឲ្យមួយឃ្លាយ៉ាងខ្លីថា៖ «រថយន្តមហាទំនេីប Rolls-Royce ម៉េចមិនជិះទៅជិះឡានអាព្រូសវិញលោកជំទាវឧកញ៉ា»។
ទន្ទឹមនឹងឃើញលោកជំទាវ ហ៊ុន ណាត ដុតបែបនេះ អ្នកប្រើប្រាស់បណ្តាញសង្គម ក៏បានចាក់បណ្តោយតាមផ្លែផ្កាបន្ថែមថា៖ «សមមុខហើយ ខ្លាចគេស្គាល់អ្នកមីង, កាលពីមុនគាត់ពូកែព្រូសណាស់ដល់ឥលូវប្រហែលជាគាត់ព្រួយចិត្តនឹងកាព្រូសកន្លងមក ចឹងហើយបានជាគាត់មកជិះឡានអាព្រូសសែនព្រួយតាម៉ងទៅ, »
បន្ថែមលើនេះ អ្នកខ្លះទៀតក៏បានលើកឡើងជាការព្រមានដល់អ្នកក្រោយៗថា៖ «នៅលើក្បាលមានមួក នៅលើមួកមានមេឃ ប្រទេសអនុវត្តច្បាប់ មាន /ក្រ/ ធំ/តូច/ ។ល។ គ្មានសិទ្ធជាន់ឈ្លីច្បាប់ទេ កុំប្រហើន, បានងាជាឧកញ៉ាមិនទាន់បានប៉ុន្មានខែផងមានរឿងអាស្រូវទៅហើយខ្មាស់គេជាងដើស្រាតទៀត នេះជាមេរៀនសម្រាប់អ្មកក្រោយ»។
តែយ៉ាងណា ក៏មានអ្នកពុំពេញចិត្តអ្នកចូលចិត្តផ្កែផ្កាឲ្យគេនោះទេ ដោយបានលើកឡើងថា៖ «អ្នកខមមិនប្រហែលសុទ្ធតែជាអ្នកចេះដឹងហើយ បើគេធ្វើតាមច្បាប់ហើយ ចុះចាំបាច់អី ខមមិន ផ្លែផ្កា សើចចំអក ដល់គេអី រីករាយណាស់ ពេលឃើញគេមានកំហុសអ៊ីចឹង គាត់ក៏បានជួយសង្គមខ្លះដែរ ចុះអ្នកខមមិនចំអកនឹង បានធ្វើដូចគាត់ហើយនៅ សូមអធ្យាស្រ័យចំពោះការខមមិនមិនគួរគប្បីទុកជាមុន»៕ រក្សាសិទ្ធិដោយ៖ លឹម ហុង
