នាយករដ្ឋមន្ត្រីអង់គ្លេសបាននិយាយកាលពីថ្ងៃពុធ (ថ្ងៃទី ២៣ ធ្នូ) ថា ប្រទេសអង់គ្លេសនិងអឺរ៉ុបនៅតែមិនទាន់បញ្ចប់កិច្ចព្រមព្រៀងពាណិជ្ជកម្ម ក្រោយការប្រកាសពីការចាកចេញ( Brexit)របស់អង់គ្លេសពីសហគមន៍អឺរ៉ុបនោះទេ ខណៈពេលដែលបញ្ហាជាច្រើនមិនទាន់ត្រូវបានដោះស្រាយ ដែលរារាំងដល់នាយករដ្ឋមន្ត្រីអង់គ្លេស Boris Johnson ក្នុងការចុះកិច្ចព្រមព្រៀងនេះ។
ត្រឹមតែប្រាំបីថ្ងៃ មុនចក្រភពអង់គ្លេសចាកចេញពីសហភាពអឺរ៉ុប មិនទាន់មានកិច្ចព្រមព្រៀងពាណិជ្ជកម្មណាមួយត្រូវបានផ្សាភ្ជាប់នៅឡើយទេ ទោះបីជាមានសញ្ញាខ្លះបង្ហាញថាកិច្ចព្រមព្រៀងមួយនេះជិតមកដល់ហើយ ឬក៏ថាកិច្ចចរចានឹងត្រូវប្រើពេលច្រើនទៀត។
ការចរចាពាណិជ្ជកម្មបានហួសពេលកំណត់រហូត ហើយមិនទាន់ត្រូវបានកំណត់ពេលជាក់លាក់នោះទេទោះបីជាភាគីទាំងពីរនិយាយថា ពួកគេត្រូវតែឈានដល់កិច្ចព្រមព្រៀងឬផ្នែកណាមួយដោយគ្មានកិច្ចព្រមព្រៀងទាំងមូលក្តីនៅពេលបញ្ចប់នៃសមាជិកភាពក្រៅផ្លូវការរបស់ចក្រភពអង់គ្លេសនៅថ្ងៃទី ៣១ ធ្នូនេះ។
ប្រធានចរចាអឺរ៉ុបលោក Michel Barnier បាននិយាយនៅថ្ងៃអង្គារមុនពេលជួបឯកអគ្គរដ្ឋទូតសហភាពអឺរ៉ុបនៅទីក្រុងប្រ៊ុចសែលថា សហភាពអឺរ៉ុបកំពុងធ្វើការជំរុញចុងក្រោយដើម្បីឈានទៅរកកិច្ចព្រមព្រៀងពាណិជ្ជកម្មមួយជាមួយចក្រភពអង់គ្លេស ទោះបីជាមានការរំលោភសិទ្ធិនេសាទយ៉ាងច្រើនក៏ដោយ។
រដ្ឋលេខាធិការសភាអង់គ្លេសលោក រ៉ូប៊ឺ ជេនរិក បានប្រាប់ទូរទស្សន៍ Sky Newsជុំវិញពាក្យចរចាមអារាមថាទីក្រុងឡុងអាចនឹងប្រកាសពីកិច្ចព្រមព្រៀងនៅថ្ងៃពុធ ថា៖ខ្ញុំនៅតែមានសុទិដ្ឋិនិយមសមរម្យមួយ ប៉ុន្តែមិនមានដំណឹងណាមួយត្រូវបានរាយការណ៍ទេ។
លោកបានមានប្រសាសន៍ថា៖«នៅតែមានការខ្វែងគំនិតគ្នាច្រើនចំណុចដដែល។ ប៉ុន្តែនៅពេលនេះមិនមានការរីកចម្រើនគ្រប់គ្រាន់ទេ។ វាមិនមែនជាកិច្ចព្រមព្រៀងដែលនាយករដ្ឋមន្ត្រីយល់ថាគាត់អាចចុះហត្ថលេខាជាមួយយើងបាននោះទេ។»
យោងតាមអ្នកការទូតសហភាពអឺរ៉ុបដែលបាននិយាយក្នុងលក្ខខណ្ឌអនាមិក លោក Barnier បានប្រាប់ក្នុងកិច្ចប្រជុំបិទទ្វារថា ការផ្តល់ជូនចុងក្រោយបំផុតរបស់ចក្រភពអង់គ្លេសក្នុងការចែករំលែកពីការចាប់ត្រីពីដែនទឹកអង់គ្លេសចាប់ពីឆ្នាំ ២០២១ គឺមិនអាចទទួលយកបានទាំងស្រុងទេ។
ទីបំផុតនាយករដ្ឋមន្ត្រី ចនសុន របស់អង់គ្លេស ដែលកំពុងព្យាយាមដោះស្រាយការរីករាលដាលនៃវីរុសកូវីដ១៩និងវិបត្តិព្រំដែននៅកំពង់ផែដឹកទំនិញ ដែលមមាញឹកជាងគេនៅអ៊ឺរ៉ុបនឹងត្រូវសម្រេចថាតើកិច្ចព្រមព្រៀងតូចចង្អៀតលើការផ្តល់ជូននេះសមនឹងចុះហត្ថលេខាឬទេ។
ការដើរចេញអាចធ្វើឱ្យមានការអបអរសាទរពីសំណាក់អ្នកដែលគាំទ្រ Brexite ប៉ុន្តែអាចបង្កឱ្យមានការរំញ័រនូវពាណិជ្ជកម្មយ៉ាងខ្លាំង។ កិច្ចព្រមព្រៀងមួយនឹងធានាថាពាណិជ្ជកម្មទំនិញ ដែលមានតម្លៃពាក់
កណ្តាលនៃពាណិជ្ជកម្មអឺរ៉ុប-អង់គ្លេសដែលមានតម្លៃជិតមួយទ្រីលានដុល្លារអាមេរិកនឹងនៅតែគ្មានពន្ធនិងកូតាដដែល៕
ប្រភព៖ រ៉យទ័រ
រក្សាសិទ្ធិដោយ៖CEN