ប្រទេសម៉ាឡេស៊ីកំពុងពិភាក្សាក្នុងការទិញវ៉ាក់សាំង Sputnik V COVID-19 របស់រុស្ស៊ីចំនួន ៦,៤ លានដូស ហើយចង់បង្កើនការទិញវ៉ាក់សាំង Pfizer-BioNTech ។ នេះបើយោងតាមរដ្ឋមន្ត្រីក្រសួងវិទ្យាសា
ស្ត្របច្ចេកវិទ្យានិងការច្នៃប្រឌិត លោក Khairy Jamaluddin បាននិយាយកាលពីថ្ងៃពុធ ខណៈប្រទេសនេះកំពុងពង្រឹងនូវសមត្ថភាពខ្លួនក្នុងការប្រយុទ្ធប្រឆាំងទៅវីរុសកូវីដ១៩។
ប្រទេសម៉ាឡេស៊ីក៏កំពុងពិភាក្សាចុងក្រោយជាមួយក្រុមហ៊ុនផលិតវ៉ាក់សាំងចិន ចំនួនពីរនិងកំពុងរៀបចំផែនការដើម្បីរៀបចំកន្លែងផ្ទុកវ៉ាក់សាំងក្នុងទូរត្រជាក់ខ្លាំង។
ប្រទេសម៉ាឡេស៊ីបានចំណាយថវិកាប្រមាណ ៥០០ដុល្លារ ដើម្បីទិញកម្រិតថ្នាំវ៉ាក់សាំងឲ្យបានគ្រប់គ្រាន់ដើម្បីផ្តល់ឲ្យប្រជាជនចំនួន ២៦,៥ លាននាក់ឬ ៨២,៨ ភាគរយនៃប្រជាជនរបស់ខ្លួន។ រហូតមកដល់ពេលនេះប្រទេសម៉ាឡេស៊ីមានចំនួនវ៉ាក់សាំងគ្រប់គ្រាន់សម្រាប់ចាក់ឲ្យប្រជាជនចំនួន ៤០ ភាគរយ។
ប្រទេសនេះក៏បានទិញវ៉ាក់សាំងរួចហើយពីក្រុមហ៊ុនផលិតថ្នាំអាមេរិក Pfizer និងចក្រភពអង់គ្លេស AstraZeneca ហើយរំពឹងថានឹងទទួលបានការធានាកាន់តែច្រើនពីក្រុមហ៊ុនផលិតចិននិងរុស្ស៊ីក៏ដូចជាពីការចូលរួមរបស់ខ្លួននៅក្នុងមជ្ឈមណ្ឌលកូវិចរបស់ពិភពលោក ដែលគាំទ្រដោយអង្គការសុខភាពពិភពលោក (WHO) ។
លោក Khairy បានប្រាប់អ្នកយកព័ត៌មានថា រដ្ឋាភិបាលបានបង្កើនគោលដៅផ្គត់ផ្គង់វ៉ាក់សាំងរបស់ខ្លួនដើម្បីពិចារណាពីហានិភ័យ ដែលថាវ៉ាក់សាំងមួយចំនួនអាចនឹងមិនត្រូវបានអនុម័តដោយនិយតករឬប្រសិនបើក្រុមហ៊ុនផលិតមិនបានប្រគល់ឱ្យ។
ក្រៅពីការពិភាក្សាជាមួយវិទ្យាស្ថានហ្គាម៉ាឡាយ៉ា (Gamaleya) របស់ប្រទេសរុស្ស៊ីដែលជាអ្នកបង្កើតវ៉ាក់សាំង Sputnik V ប្រទេសម៉ាឡេស៊ីក៏កំពុងពិភាក្សាចុងក្រោយជាមួយក្រុមហ៊ុនផលិតចិន Sinovac Biotech និង CanSino Biotech ដើម្បីទិញវ៉ាក់សាំងសរុបចំនួន ២៣,៩ លានដូស។ លោក Khairy បាននិយាយថាកិច្ចព្រមព្រៀងជាមួយក្រុមហ៊ុនចិននិងរុស្ស៊ីនឹងរួមបញ្ចូលកិច្ចសហប្រតិបត្តិការជាមួយក្រុមហ៊ុនម៉ាឡេស៊ីដើម្បីបំពេញនិងបញ្ចប់ការងារ។
ប្រទេសម៉ាឡេស៊ីក៏បានធានានូវវ៉ាក់សាំងរបស់ក្រុមហ៊ុន AstraZeneca ចំនួន ៦,៤ លានដូសតាមរយៈ
គម្រោងកូវ៉ាក់ដែលកើនឡើងទ្វេដងនៃចំនួនដែលខ្លួនបានយល់ព្រមទិញពីអ្នកផលិតថ្នាំវ៉ាក់សាំងនេះ។ លោក Khairy បានបន្ថែមថារដ្ឋាភិបាលកំពុងចរចាជាមួយ Pfizer លើជម្រើសមួយ ដើម្បីបង្កើនការទិញវ៉ាក់សាំងដើម្បីគ្របដណ្តប់ ២០ ភាគរយនៃប្រជាជនរបស់ខ្លួន
រហូតមកដល់ពេលនេះប្រទេសម៉ាឡេស៊ីបានទិញវ៉ាក់សាំង Pfizer ចំនួន ១២,៨ លានដូសជាមួយនឹងការដឹកជញ្ជូនលើកដំបូងដែលគេរំពឹងថានឹងមកដល់ក្នុងខែកុម្ភៈ។ លោក Khairy បាននិយាយថាក្នុងប្រទេសនេះបានចាប់ផ្តើមពិភាក្សាជាមួយModerna and Johnson & Johnsonផងដែរ៕ ប្រភព៖ Reuters.
រក្សាសិទ្ធិដោយ៖CEN