ភ្នំពេញ៖ ក្លឹបវាយកូនហ្គោលហ្គ្រេន ភ្នំពេញ គឺជាក្លឹបដែលមានលក្ខណៈពិសេស និងលេចធ្លោ ផ្តល់ជូនបទពិសោធន៍នៃការលេងកីឡាវាយកូនហ្គោលដ៏ល្អឥតខ្ចោះ។
ក្លឹបវាយកូនហ្គោល ហ្គ្រេន ភ្នំពេញ កំពុងអភិវឌ្ឍក្លឹបរបស់ខ្លួនឲ្យកាន់តែប្រសើរឡើងមួយកម្រិតទៀត ដើម្បីឆ្លើយតបនឹងតម្រូវការនៃការលេងហ្គោលប្រកបដោយផាសុកភាព ឯកជនភាព និងបដិសណ្ឋារកិច្ចជាទីគាប់ចិត្ត។
លក្ខណៈពិសេសៗនៃការវិវឌ្ឍខ្លួនរបស់ក្លឹបវាយកូន ហ្គ្រេន ភ្នំពេញ រួមមាន៖ ក្លឹបវាយកូនហ្គោល ហ្គ្រេន ភ្នំពេញ ត្រូវបានរចនាដោយ Niklaus Design ដែលជាក្រុមហ៊ុនជំនាញក្នុងការរចនាទីលានវាយកូនហ្គោលដ៏ល្បីឈ្មោះក្នុងពិភពលោក។
លើសពីនេះ ក្លឹបវាយកូនហ្គោល ហ្គ្រេន ភ្នំពេញ មានទីតាំងស្ថិតក្នុងរាជធានីភ្នំពេញ ងាយស្រួលក្នុងការធ្វើដំណើរបានឆាប់រហ័សតាមមហាវិថីអង្គរ មហាវិថីឈ្នះ ឈ្នះ មហាវិថីមិត្តភាពភ្នំពេញ ហាណូយ ផ្លូវជាតិលេខ៥ ផ្លូវឯកឧត្តមជាសុផារ៉ា និងវិថីហ្គ្រេនភ្នំពេញជាដើម។
ក្លឹបវាយកូនហ្គោល ហ្គ្រេន ភ្នំពេញ គឺជាទីលានស្តង់ដារអន្តរជាតិ១៨ឡូ ដែលផ្តល់ជូនបទពិសោធន៍លេងកូនហ្គោលដ៏ពេញលេញ។
ក្លឹបវាយកូនហ្គោល ហ្គ្រេន ភ្នំពេញ ទើបត្រូវបានវិនិយោគបន្ថែមជាង១លានដុល្លារសហរដ្ឋអាមេរិក សម្រាប់ការកែលម្អឲ្យកាន់តែប្រសើរថែមទៀត ដូចជាការបន្ថែមរថយន្ត Golf Cart ចំនួន១០០គ្រឿង សម្ភារៈសម្រាប់ថែទាំទីលានវាយកូនហ្គោល និងការរចនា Club House ដើម្បីផ្តល់ជូនបដិសណ្ឋារកិច្ចដ៏ប្រណិតសម្រាប់ភ្ញៀវ៕រក្សាសិទ្ធិដោយ៖CEN
