មនុស្សជិត 2 ពាន់នាក់ត្រូវបានបណ្តេញចេញពីប្រទេសកាណាដា ចាប់តាំងពីឆ្នាំ 2013 មកដោយសារតែរដ្ឋាភិបាលនិយាយថា ពួកគេបានកុហកក្នុងពាក្យសុំសិទ្ធិជ្រកកោនរបស់ខ្លួន។ ប្រជាពលរដ្ឋកូរ៉េខាងជើងចំនួន 150 នាក់ផ្សេងទៀតត្រូវបានគំរាមកំហែងចំពោះការនិរទេស។
ជនជាតិកូរ៉េខាងជើងចំនួន 150 នាក់ប្រឈមនឹងទោសប្រហារជីវិត ប្រសិនបើប្រទេសកាណាដាធ្វើការនិរទេសចេញ។
កាលពីដប់មួយឆ្នាំមុន Taegun Kim បានមកប្រទេសកាណាដាជាមួយប្រពន្ធកូនស្រីនិងកូនប្រុសរបស់គាត់។ ឥឡូវនេះពួកគេមានកូនពីរនាក់ទៀតគឺមានកាណាដា។ ការបណ្ដេញចេញគឺជាគ្រោះមហន្តរាយសម្រាប់ក្រុមគ្រួសាររបស់ពួកគេ។
គីមបានប្រាប់ Al Jazeera ថា “សារនោះមានន័យថា ជាមរណភាពសម្រាប់ខ្ញុំ” ។ “ខ្ញុំមកទីនេះដើម្បីមានជីវិតប្រសើរជាងមុន ហើយគ្រួសាររបស់ខ្ញុំមានជីវិតល្អប្រសើរនៅកាណាដា។ នៅពេលយើងគិតថាយើងនឹងត្រូវបែកបាក់ ធ្វើឱ្យបេះដូងរបស់ខ្ញុំខ្ទេចខ្ទាំអស់ហើយ “។
ជនជាតិកូរ៉េខាងជើងចំនួន 150 នាក់ប្រឈមនឹង “ទោសប្រហារជីវិត” ប្រសិនបើប្រទេសកាណាដាធ្វើការនិរទេស
គ្រួសាររបស់ចូ (Jo) អាចត្រូវព្រាត់ប្រាស់ប្រសិនបើកាណាដាប្រតិបត្តិការនិរទេស។ កូនពីរនាក់កើតនៅប្រទេសកាណាដាដែលកូនពៅកើតឆ្នាំ 2010 ។
ក្រុមគ្រួសារបានសារភាពថា បាននិយាយកុហកអំពីការដាក់ពាក្យសុំសិទ្ធិជ្រកកោនរបស់ពួកគេដោយនិយាយថា ពួកគេបានភៀសខ្លួនទៅប្រទេសចិន មិនមែនកូរ៉េខាងត្បូងទេ ដើម្បីជួយសម្រួលដល់ដំណើរការអន្តោប្រវេសន៍របស់ពួកគេបានធ្វើដូច្នេះដើម្បីងាយសុំធ្វើអន្តោប្រវេសន៍ក៏ដូចជាចៀសផុតពីពីស្ថានភាពដ៏គួរឱ្យភ័យខ្លាច។
នាង Hye Kyung Jo បាននិយាយថា “ខ្ញុំមានអារម្មណ៍អស់សង្ឃឹមដូច្នេះវាគឺជាកំហុសរបស់យើង” ។ ក្មេង ៗ មិនបានធ្វើអ្វីខុសទេពួកគេត្រូវឆ្លងកាត់ការភ័យខ្លាច នេះដោយសារពួកយើង»។
ឱកាសចុងក្រោយ
Rocky Kim របស់សហព័ន្ធសម្រាប់អ្នកបានរត់ចេញពីប្រទេសកូរ៉េខាងជើង និយាយថាសមាជិកគ្រួសារពួកគេដែលស្ថិតនៅកូរ៉េខាងជើង នៅតែមានភាពងាយរងគ្រោះព្រោះពួកគេបានភៀសខ្លួន។ គាត់បាននិយាយថាការឆ្កឹះរឿងនេះធ្វើឲ្យស្ថានភាពរបស់អ្នកទាំងនោះមានគ្រោះថ្នាក់ដល់ជីវិត។
ជនភៀសខ្លួននិយាយថាប្រទេសកូរ៉េខាងត្បូងពិតជាមិនមានសុវត្ថិភាពសម្រាប់ពួកគេទេពីព្រោះភ្នាក់ងារកូរ៉េខាងជើងអាចតាមដានពួកគេបានយ៉ាងស្រួល។
លោកគីមបាននិយាយថា “ប្រសិនបើយើងត្រូវបានរកឃើញដោយរដ្ឋាភិបាលកូរ៉េខាងជើង គ្រួសាររបស់យើងនឹងត្រូវគេសម្លាប់ឬបញ្ជូនទៅជំរុំកែប្រែ។
មេធាវីម្នាក់បានជួបជាមួយមន្ត្រីកាណាដាដើម្បីអំពាវនាវឱ្យរដ្ឋមន្ត្រីក្រសួង អន្តោប្រវេសន៍លោក Ahmed Hussen អនុញ្ញាតឱ្យជនជាតិកូរ៉េខាងជើង ស្នាក់នៅលើមូលដ្ឋានមនុស្សធម៌និងមេត្តាធម៌។ ប៉ុន្តែគ្មានការឆ្លើយតបនៅឡើយទេ។
“ជាអន្តរជាតិយើងត្រូវបានគេទទួលស្គាល់ថា ជាប្រទេសមនុស្សធម៌ និងមេត្តាករុណា ដែលទទួលយកជនភៀសខ្លួនពីប្រទេសស៊ីរី និងនៅជុំវិញពិភពលោក ហើយហេតុអ្វីមានមនុស្ស 150 នាក់ផ្សេងទៀតត្រូវចាកចេញ” ឬ ត្រូវបានគេត្រឡប់មកវិញនេះ? ” -មេធាវី Jaequeline An ពោល៕ សូយន
