ភ្នំពេញ៖ មានអ្នកនេសាទជាច្រើនបានត្អូញត្អែរថា ពួកគាត់ចាប់សំរាមបានច្រើនជាងចាប់ត្រី។ មានសំរាមជា ច្រើនប្រភេទដែលអ្នកនេសាទចាប់បានពីក្នុងទឹកទន្លេជាមួយនឹងត្រីបន្តិចបន្តួចហើយនៅពេល កំណើនប្រជាពលរដ្ឋកើន ឡើងខ្ពស់ ស្របពេលជាមួយគ្នានោះដែរ សំរាមក៏កើន ឡើងយ៉ាង គំហុកផងដែរ ពិសេសកាកសំណល់ប្លាស្ទិក។ ជាមួយគ្នានេះ គ្រួសារដែលរស់នៅតាមដងទន្លេ មួយចំនួន សម្រេចចិត្តបោះសំរាមចោលទៅក្នុងទឹកទន្លេ។ ចំពោះបងប្អូនប្រជា ពលរដ្ឋដែល កំពុងរស់នៅតាមដងទន្លេ ប្រហែលជាមិនបានដឹងទេថា សំរាមប្រចាំថ្ងៃដែលបានលិច ចូល ក្នុងទឹកទន្លេ មិនបានចេញទៅណាឆ្ងាយពីផ្ទះរបស់ពួកគាត់ ឬពីជីវិតរស់នៅរបស់ពួកគាត់ទេ វាបានលិចចុះទៅក្នុងទឹក ទាក់ជាប់ត្រី និងសម្លាប់ត្រីដែលជាអាហារដ៏សំខាន់រប ស់ប្រជាជន ខ្មែរយើងដោយមិនដឹងខ្លួន។
អង្គការ Wonders of the Mek ong បានសម្ដែងនូវការបារម្ភពីសំរាម និងប្លាស្ទិក យ៉ាងច្រើននៅក្រោមផ្ទៃទឹកទន្លេសាប ហើយបានលើកឡើងថាខ្មែរមានពាក្យស្លោក ដ៏មាន ប្រជាប្រិយ ភាពមួយដែលដំណាលមកតគ្នាជាច្រើនជំនាន់មកហើយគឺ ទីណាមានទឹក ទីនោះមានត្រី។
បើយោងតាមការចេញផ្សាយរបស់អង្គការ Wonders ofthe Mekong បានបញ្ជាក់ថា នៅក្រោមផ្ទៃទឹកទន្លេសាប
ខ្មែរមានពាក្យស្លោកដ៏មានប្រជាប្រិយភាពមួយដែលដំណាលមកតគ្នាជាច្រើនជំនាន់មកហើយ៖ «ទីណាមានទឹក ទីនោះមានត្រី»។ ជាអកុសលក្នុងអំឡុង៥ឆ្នាំចុងក្រោយនេះ មានអ្នកនេសាទជាច្រើនបានត្អូញត្អែរថា គាត់ចាប់សំរាមបានច្រើនជាងចាប់ត្រី។ មានសំរាមជាច្រើនប្រភេទដែលអ្នកនេសាទចាប់បានពីក្នុងទឹកទន្លេជាមួយនឹងត្រីបន្តិចបន្តួច។ នៅពេលកំណើនប្រជាពលរដ្ឋកើនឡើងខ្ពស់ ស្របពេលជាមួយគ្នានោះដែរ សំរាមក៏កើនឡើងយ៉ាងគំហុកផងដែរ ពិសេសកាកសំណល់ប្លាស្ទិក។
គ្រួសារដែលរស់នៅតាមដងទន្លេមួយចំនួនសម្រេចចិត្តបោះសំរាមចោលទៅក្នុងទឹកទន្លេ។ ពួកគាត់ប្រហែលជាមិនបានដឹងទេថា សំរាមប្រចាំថ្ងៃដែលបានលិចចូលក្នុងទឹកទន្លេ មិនបានចេញទៅណាឆ្ងាយពីផ្ទះរបស់គាត់ ឬពីជីវិតរស់នៅរបស់គាត់ទេ វាបានលិចចុះទៅក្នុងទឹក ទាក់ជាប់ត្រី និងសម្លាប់ត្រីដែលជាអាហារដ៏សំខាន់របស់ប្រជាជនខ្មែរយើងដោយមិនដឹងខ្លួន។ រូបថតទាំងអស់នេះ ថតបានពីចំណុចទន្លេសាប ក្នុងភូមិសាស្ត្រសង្កាត់ព្រែកតាសេក ខណ្ឌជ្រោយចង្វារ ក្រុងភ្នំពេញ វាបានបង្ហាញអំពីសំរាមដែលអ្នកនេសាទចាប់បានពីក្នុងទន្លេជាមួយនឹងត្រីមួយចំនួន ហើយត្រីខ្លះអាចត្រូវបានសម្លាប់ដោយសំរាមទាំងនេះ។
សូមមេត្តាពិចារណាឡើងវិញដោយជ្រើសរើសយកនូវជម្រើសដទៃផ្សេងទៀត ដូចជាការទុកដាក់សំរាមនៅក្នុងផ្ទះ មុនពេលភ្នាក់ងារសំរាមមកប្រមូល បែងចែកសំរាមឱ្យបានត្រឹមត្រូវ កាត់បន្ថយការប្រើប្រាស់សម្ភារច្នៃពីប្លាស្ទិក ឬជម្រើសប្រើប្រាស់សម្ភារធ្វើពីប្លាស្ទិកឡើងវិញតាមដែលអាចធ្វើទៅបាន កែច្នៃសំរាមដែលងាយរលួយទៅជាជីកំប៉ុស្ត។ល។ យើងទាំងអស់គ្នាអាចជាចំណែកមួយនៃដំណោះស្រាយនៃបញ្ហាទាំងអស់នេះ។ យើងអាចធ្វើការរួមគ្នាថែរក្សាទន្លេរបស់យើងឱ្យមានសុខភាពល្អ និងដើម្បីធានានូវប្រភពអាហារប្រូតេអ៊ីនខ្ពស់របស់យើង ឱ្យបានស្ថិតស្ថេរសម្រាប់ពេលអនាគត៕រក្សាសិទ្ធិដោយ៖បញ្ញាស័ក្តិ
