ភ្នំពេញ៖ ការិយាល័យ ព្រហ្មទណ្ឌ កម្រិត ធ្ងន់ នៃនាយកដ្ឋាននគបាលព្រហ្មណ្ឌ ក្រសួងមហាផ្ទៃ នៅថ្ងៃទី២៨ ខែធ្នូ ឆ្នាំ២០២០បាន ចុះដឹកនាំសហការជាមួយ អធិការដ្ឋាន នគរបាលខណ្ឌទួលគោក និង អធិការដ្ឋាន នគរបាលខណ្ឌមានជ័យ ធ្វេីការស្រាវជ្រាវ រហូតឈានដល់ការឃាត់ខ្លួន ជនសង្ស័យឈ្មោះ ម៉ាក់ ហាក់ចន្ថា អាយុ២៣ឆ្នាំជនជាតិខ្មែរ (ម្ចាស់គណនីហ្វេសបុកឈ្មោះ កញ្ញា តី) ពាក់ព័ន្ធនឹងករណី គម្រាមទារប្រាក់ (បង្ហោះរូបភាពអាក្រាតតាមបណ្តាញសង្គមហ្វេសបុក) ។
ការិយាល័យព្រហ្មទណ្ឌបានបញ្ជាក់ពីអង្គហេតុថា កាលពីអំឡុងខែវិច្ឆិកា ឆ្នាំ២០២០ ជនសង្ស័យបានប្រេីគណនីឈ្មោះ កញ្ញា តី ផ្ញេីសារតាមឆាតគណនីហ្វេសបុក មកបុរសដែលជាជនរងគ្រោះ ជជែកគ្នាលេងធម្មតា បន្ទាប់មក គណនី កញ្ញា តី ក៏បានខលវីដេអូមកជនរងគ្រោះ រួចបបួលជនរងគ្រោះដោះសម្លៀកបំពាក់ព្រោះខ្លួនមានចំណង់តណ្ហា ហេីយចង់រួមភេទពីចម្ងាយ (Sex Cam) ។ ដោយសារជនរងគ្រោះមានអាការៈស្រវឹង ក៏យល់ព្រមដោះខោអាវតាមការស្នេីសុំរបស់ម្ចាស់គណនី កញ្ញា តី ហេីយពេលនោះជនរងគ្រោះមិនបានឃេីញមុខម្ចាស់គណនី កញ្ញា តី ឡេីយ ដោយឃេីញត្រឹមតែមួយកំណាត់ខ្លួនចុះក្រោមតែប៉ុណ្ណោះ (រយៈពេល ៣នាទី) ។ ក្រោយពីខលវីដេអូចប់ ម្ចាស់ គណនី កញ្ញា តី ក៏ចាប់ផ្តេីមផ្ញេីសារទៅគំរាមទារប្រាក់ពីជនរងគ្រោះ បេីមិនព្រមផ្ញេីឲ្យទេ គណនីកញ្ញាតី នឹងផ្ញេីវីដេអូ អាក្រាតកាយរបស់ជនរងគ្រោះទៅមិត្តភក្តិ និងក្រុមគ្រួសាររបស់ជនរងគ្រោះទាំងអស់ ។
បច្ចុប្បន្នជនសង្ស័យខាងលើ ត្រូវបានកម្លាំងការិយាល័យ ព្រហ្មទណ្ឌ កម្រិតធ្ងន់ នៃនាយកដ្ឋាននគបាលព្រហ្មណ្ឌ ប្រគល់ជូនអធិការដ្ឋាននគរបាលខណ្ឌទួលគោក ដើម្បីកសាងសំណុំរឿងចាត់ការបន្ដតាមនីតិវិធី៕ រក្សាសិទ្ធិដោយ៖បញ្ញាស័ក្តិ
