ភ្នំពេញ៖ ក្រសួងពាណិជ្ជកម្ម EIFនិងUNDP បានចេញសេចក្តីប្រកាសព័ត៌មានស្ដីពី៖ កម្មវិធីផ្តល់ថវិកាជំនួយ និងវគ្គវណ្ដុះបណ្ដាល ដើម្បីលើកកម្ពស់សហគ្រាសធុនតូច និងមធ្យមឱ្យធ្វើពាណិជ្ជកម្មតាមប្រព័ន្ធអេឡិចត្រូនិក (E-COMMERCE) នៅកម្ពុជា។
នៅថ្ងៃទី២៨ ខែធ្នូ ឆ្នាំ២០២០៖ សហគ្រាសធុនតូច និងមធ្យមចំនួន ១២៥ នឹងទទួលបានថវិកា ជំនួយ និងការបណ្តុះបណ្តាលអំពីរបៀបធ្វើពាណិជ្ជកម្មតាមប្រព័ន្ធអេឡិចត្រូនិក តាមរយៈការវិនិយោគក្នុងទឹកប្រាក់ ចំនួន ៥០០.០០០ ដុល្លារអាមេរិក ដែលផ្តល់ដោយរាជរដ្ឋាភិបាលកម្ពុជា ក្រោមការឧបត្ថម្ភរបស់កម្មវិធីពង្រឹងក្របខ័ណ្ឌ សមាហរណកម្ម (EIF) និងកម្មវិធីអភិវឌ្ឍន៍សហប្រជាជាតិ (UNDP)។
មូលនិធិនេះនឹងផ្តល់ ការគាំទ្រដល់ការបណ្តុះបណ្តាលបណ្តុះគំនិតអាជីវកម្ម និងគំនិតផ្តួចផ្តើមបែបនវានុវត្តន៍ និង កម្មវិធីផ្តល់ថវិកាគាំទ្រខ្នាតតូចរយៈពេល ០៦ ខែ ដើម្បីជួយសហគ្រាសធុនតូច និងមធ្យមក្នុងការផ្លាស់ប្តូរទៅប្រើប្រាស់ ប្រព័ន្ធអេឡិចត្រូនិក លក់ផលិតផល និងសេវាកម្មតាមប្រព័ន្ធអនឡាញ និងជួយដល់សហគ្រាសមួយចំនួន ដែលលក់ ផលិតផល និងសេវាកម្មទៅ ឱ្យអគឺថិជននៅក្រៅប្រទេស តាមរយៈថ្នាលបច្ចេកវិទ្យាថ្មីមួយ (B2B2C Marketplace) ដែលកំពុងបង្កើតឡើងដោយក្រសួងពាណិជ្ជកម្ម។ ចំនួនកូតាត្រូវបានកំណត់ និងបម្រុងទុកសម្រាប់សហគ្រាសធុនតូច និងមធ្យម ដែលមានម្ចាស់កម្មសិទ្ធិជាស្ត្រី និងយុវជន និងសហគ្រាសដែលមានទីតាំងស្ថិតនៅខាងក្រៅទីក្រុងភ្នំពេញ។ គំនិតផ្តួចផ្តើមនេះត្រូវបានបង្កើត និងអនុវត្តរួមគ្នាដោ យ ក្រសួងពាណិជ្ជកម្ម (MOC) និង UNDP ដែលជា សមាស ភាគមួយដ៏សំខាន់នៃគម្រោងអភិវឌ្ឍន៍ពាណិជ្ជកម្មតាមប្រព័ន្ធអេឡិចត្រូនិកកម្ពុជា ហៅថា GC4ECAM ដែលមានគោល បំណងក្នុងការបង្កើនឱកាសទាំងក្នុងស្រុក និងអន្តរជាតិដល់សហគ្រាសធុនតូច និងមធ្យម តាមរយៈគំនិតផ្តួចផ្តើមឌីជីថល ភាវូបនីយកម្ម ដើម្បីបង្កើតការងារថ្មីឱ្យបានច្រើនជាង ១០,០០០ ត្រឹមឆ្នាំ ២០២២ ដែលជាគោលដៅគម្រោង Go4CAM។
វិស័យពាណិជ្ជកម្មតាមប្រព័ន្ធអេឡិកត្រូនិកនៅកម្ពុជាមានការរីកចម្រើនយ៉ាងខ្លាំង នៅក្នុងទសវត្សរ៍ចុងក្រោយនេះ ហើយការគាំទ្របន្ថែមទាំងនេះត្រូវបានផ្តល់ក្នុងពេលដែលមានការរាតត្បាតជាសកលនៃជំងឺកូវីដ-១៩ ដែលបានជំរុញ ឱ្យ អាជីវកម្មកាន់តែច្រើនងាកទៅប្រើប្រាស់ប្រព័ន្ធអនឡាញ។ ពាណិជ្ជកម្មតាមប្រព័ន្ធអេឡិចត្រូនិក និងឌីជីថលភាវូបនីយកម្ម ត្រូវបានចាត់ទុកថា មានតួនាទីសំខាន់ ដើម្បីជួយ ឱ្យមានការស្តារសេដ្ឋកិច្ចឡើងវិញឱ្យបានពេញលេញ ឆាប់រហ័ស និង ប្រកបដោយចីរភាពសម្រាប់កម្ពុជា។
កាលពីពេលថ្មីៗនេះ រាជរដ្ឋាភិបាលកម្ពុជា តាមរយៈ ក្រសួងពាណិជ្ជកម្មបានពន្លឿនកិច្ចខិតខំប្រឹងប្រែងសំដៅ ពង្រឹងប្រព័ន្ធអេកូឡូស៊ីសម្រាប់ការធ្វើពាណិជ្ជកម្មតាមប្រព័ន្ធអេឡិចត្រូនិក និងក្របខ័ណ្ឌគតិយុត្ត ដែលគ្រប់គ្រងលើការធ្វើ ពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា ដូចជា ការអនុម័តច្បាប់ស្តីពីពាណិជ្ជកម្មតាមប្រព័ន្ធអេឡិកត្រូនិកកាលពី ឆ្នាំ២០១៩ អនុក្រឹត្យសម្រួលដល់ការចុះបញ្ជីអាជីវកម្មដែលផ្តោតលើ ពាណិជ្ជកម្មតាមប្រព័ន្ធអេឡិចត្រូនិក និងច្បាប់ស្តីពី ការការពារអ្នកប្រើប្រាស់ក្នុងន័យការពារសិទ្ធិអ្នកទិញទំនិញតាមប្រព័ន្ធអនឡាញ និងអាជីវកម្មនានា ក៏ដូចជាយុទ្ធសាស្ត្រ ៣ ណិជ្ជកម្មតាមប្រព័ន្ធអេឡិចត្រូនិក ដែលទើបតែបានសម្ពោធដាក់ឲ្យប្រើប្រាស់នៅក្នុងខែវិច្ឆិកា ឆ្នាំ២០២០ ថ្មីៗផងដែរ។
ជាការគាំទ្រដល់ការឆ្លើយតបរបស់កម្ពុជាចំពោះជំងឺកូវីដ -១៩ UNDP កំពុងធ្វើការងារដើម្បីកសាងជំនាញបុគ្គលិក ឡើងវិញ ផ្តល់ការគាំទ្រដល់សហគ្រាសធុនតូច និងមធ្យមចំនួន ១.០០០ ដើម្បីឱ្យពួកគេអាចឈានជើងចូលទៅក្នុងទីផ្សារ ពាណិជ្ជកម្មតាមប្រព័ន្ធអេឡិចត្រូនិក និងជំរុញឱ្យមានការប្រើប្រាស់ពាណិជ្ជកម្មតាមប្រព័ន្ធអេឡិចត្រូនិកទូទាំងប្រទេស តាមរយៈយុទ្ធនាការស្វែងរកការគាំទ្រ ដើម្បីកសាងបរិយាកាសគតិយុត្តឱ្យបានរឹងមាំ ដោយមានការគាំទ្រនៃរដ្ឋាភិបាលនៃ ប្រទេសអូស្ត្រាលី។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម មានប្រសាសន៍ថា “គម្រោង GO4eCAM ត្រូវបាន ប្រកាសចាប់ផ្តើមអនុវត្តចំពេលជួនគ្នាជាមួយនឹងការអនុម័តច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិក និងការប្រកាសដាក់ឱ្យអនុវត្តនូវយុទ្ធសាស្ត្រស្តីពីពាណិជ្ជកម្មតាមប្រព័ន្ធអេឡិចត្រូនិក។ គម្រោងនេះនឹងផ្តល់នូវអត្ថប្រយោជន៍ជាច្រើនផ្សេងទៀត ដូចជា បង្កើនផលិតភាព នវានុវត្តន៍ ការពង្រីកអាជីវកម្ម ព្រមទាំងការបង្កើតការងារនៅកម្ពុជា។
លោក Nick Beresford អ្នកតំណាងនិវេសនដ្ឋាន UNDP ប្រចាំកម្ពុជា បានលើកឡើងថា “យុទ្ធសាស្ត្រស្តីពីពាណិជ្ជកម្មតាមប្រព័ន្ធអេឡិចត្រូនិកថ្មីរបស់កម្ពុជា គួបផ្សំនឹងកិច្ចខិតខំប្រឹងប្រែងលើកកម្ពស់ និងជំរុញឱ្យមានការប្រើប្រាស់ពាណិជ្ជកម្មតាមប្រព័ន្ធអេឡិចត្រូនិកក្នុងសង្គមទាំងមូល ជាពិសេសក្នុងចំណោមក្រុមដែលមានឱកាសតិចតួច អាច ជាយុទ្ធសាស្ត្រ ដ៏សំខាន់ដើម្បីជំរុញកំណើនប្រកបដោយបរិយាប័ន្នក្រោយពីកូរីដ-១៩។ ការវិនិយោគប្រកបដោយបរិយាប័ន្ន លើធនធានមនុស្ស ការអភិវឌ្ឍជំនាញនិងហេដ្ឋារចនាសម្ព័ន្ធឌីជីថលសម្រាប់គ្រប់គ្នា គឺជាអ្វីដែលមានសារៈសំខាន់ជា ចាំបាច់បំផុតនាពេលនេះ។
វិស័យពាណិជ្ជកម្មតាមប្រព័ន្ធអេឡិចត្រូនិកនៅក្នុងព្រះរាជាណាចក្រកម្ពុជា គឺមានសន្ទុះយ៉ាងខ្លាំង ជាពិសេស ដោយការប្រែក្លាយពីអាជីវកម្មធម្មតាទៅជាអាជីវកម្មអនឡាញ ក្នុងគោលបំណងកាត់បន្ថយផលប៉ះពាល់ពីវិបត្តិនៃជំងឺ កូរឹដ-១៩។ ក្នុងនាមជាដៃគូរបស់កម្មវិធីពង្រឹងក្របខ័ណ្ឌសមាហរណកម្ម (EIF) និងតាមរយៈគម្រោងនានារបស់យើង ដែលគាំទ្រដល់ការពន្លឿនផ្នែកច្បាប់នៃពាណិជ្ជកម្មតាមប្រព័ន្ធអេឡិចត្រូនិក ប្រទេសអូស្ត្រាលីបានផ្តល់ជាទស្សនទាន និង ជំនាញសំខាន់ៗ មួយចំនួនដល់យុវជនកម្ពុជា ដើម្បីប្រកួតប្រជែងក្នុងសេដ្ឋកិច្ចថ្មីនេះ ដោយធានាថា វិស័យឌីជីថលនា ពេលអនាគតរបស់កម្ពុជានឹងត្រូវបានរីកចំរើនប្រកបដោយបរិយាប័ន្ន។ នេះជាការលើកឡើងរបស់ឯកឧត្តម Kang Pablo ឯកអគ្គរាជទូតអូស្ត្រាលីប្រចាំព្រះរាជាណាចក្រកម្ពុជា។
លោកបណ្ឌិត Ratnakar Adhikari នាយកប្រតិបត្តិនៃលេខាធិការដ្ឋាន EIF ប្រចាំអង្គការពាណិជ្ជកម្មពិភពលោក បានលើកឡើងថា “កម្ពុជា គឺជាប្រទេសមួយដែលមានសក្តានុពលខ្ពស់ក្នុងវិស័យពាណិជ្ជកម្មតាមប្រព័ន្ធអេឡិចត្រូនិក។ យុទ្ធសាស្ត្រស្តីពីពាណិជ្ជកម្មតាមប្រព័ន្ធអេឡិចត្រូនិកដែលនៅក្រោមការគាំទ្រ ពី EIF ត្រូវបានប្រកាសដាក់ឱ្យអនុវត្តកាលពី ថ្ងៃទី២៥ ខែវិច្ឆិកា ឆ្នាំ២០២០ នេះ ដោយមានការដាក់ចេញនូវផែនការសកម្មភាពជាក់លាក់ និងឆ្លើយតបចំពោះចំណុច រាំងស្ទះសំខាន់ៗ ដូចជា ក្របខ័ណ្ឌច្បាប់ និងគតិយុត្ត ហេដ្ឋារចនាសម្ព័ន្ធ ICT ជំនាញឌីជីថល និងការគាំទ្រដល់សហគ្រាស ធុនតូច និងមធ្យមជាដើម។ រួមជាមួយនឹងគម្រោង GO4eCAM និងភាពជាដៃគូដ៏រឹងមាំក្នុងប្រទេស ខ្ញុំជឿជាក់យ៉ាងមុតមាំ ថា កម្ពុជានឹងមានប្រព័ន្ធអេកូឡូស៊ីដ៏អំណោយផលមួយ ដែលចាំបាច់សម្រាប់លើកកម្ពស់ពាណិជ្ជកម្មតាមប្រព័ន្ធអេឡិចត្រូនិក បង្កើនការប្រកួតប្រជែងសម្រាប់ការនាំចេញ ជំរុញសហគ្រិនភាព និងទាញប្រយោជន៍ពីប្រភពកំណើនថ្មីៗ ក្នុងយុគសម័យ ឌីជីថល៕ រក្សាសិទ្ធិដោយ៖បញ្ញាស័ក្តិ
