ភ្នំពេញ ៖ ក្នុងពេលផ្សារភាគហ៊ុនបិទនាសៀលថ្ងៃម្សិលមិញនេះ ភាគហ៊ុនហ្រ្គេន ធ្វីន អ៊ីនធើណាស់សិនណល GTI បានធ្លាក់ចុះរហូតដល់ជិត១០% មកត្រឹម២.៩៣០រៀល ដែលនេះជាថ្លៃដែនកំណត់ទាបបំផុតប្រចាំថ្ងៃ។
ស្របពេលជាមួយគ្នានេះ ភាគហ៊ុនប្រាំផ្សេងទៀត រួមមានភាគហ៊ុនរដ្ឋាករទឹកស្វយ័តក្រុងភ្នំពេញ(PWSA) កំពង់ផែស្វយ័តក្រុងភ្នំពេញ (PPAP) ក្រុមហ៊ុនតំបន់សេដ្ឋកិច្ចពិសេសភ្នំពេញ (PPSP)និងកំពង់ផែស្វយ័តក្រុងព្រះសីហនុ (PAS) និងផេសថិក (PEPC) បានធ្លាក់ចុះមកត្រឹម៥.៩០០រៀល, ១១.៦០០រៀល ១.២៨០រៀល ១៣.៧០០រៀល និង ២.៩៥០រៀល រៀងគ្នា។
ក្នុងចន្លោះនៃការធ្លាក់ចុះពី១០រៀល ទៅ ២៨០រៀល។ មានតែភាគហ៊ុនមួយប៉ុណ្ណោះ ដែលមានកំណើន គឺភាគហ៊ុនរបស់ធនាគារអេស៊ីលីដា (ABC) ដោយបានកើនឡើង២០រៀល មកដល់១៧.០៦០រៀល។
ដោយឡែកសន្ទស្សន៍ផ្សារមូលបត្របានធ្លាក់ចុះ០,៥២% មកត្រឹម៦៤២,៧៣ ពិន្ទុ។ ទំហំជួញដូរភាគហ៊ុនសរុបមានចំនួន ៣៧៦,២៧លានរៀល ដែលភាគហ៊ុនក្រុមហ៊ុនតំបន់សេដ្ឋកិច្ចពិសេសភ្នំពេញ (PPSP) និងធនាគារអេស៊ីលីដា (ABC) មានចំណែកដល់ទៅ៧៤ភាគរយ និង១៨ភាគរយ រៀងគ្នានៃទំហំសរុប៕ រក្សាសិទ្ធិដោយ ៖ CEN