រដ្ឋមន្ត្រីក្រសួងសុខាភិបាលឥណ្ឌូនេស៊ីបាននិយាយកាលពីថ្ងៃអង្គារទី ២៩ ធ្នូថា ប្រទេសឥណ្ឌូនេស៊ីកំពុងបញ្ចប់កិច្ចព្រមព្រៀងចុងក្រោយ ដើម្បីទទួលបានវ៉ាក់សាំងកូវីដ១៩ពីក្រុមហ៊ុនផលិតវ៉ាក់សាំង Pfizer និង AstraZeneca ។
លោក Budi Gunadi Sadikin រដ្ឋមន្ត្រីក្រសួងសុខាភិបាលឥណ្ឌូនេស៊ី បាននិយាយថាកិច្ចព្រមព្រៀងជាមួយក្រុមហ៊ុន AstraZeneca នឹងត្រូវបញ្ចប់ជាស្ថាពរនៅមុនដំណាច់ឆ្នាំនេះ ខណៈកិច្ចព្រមព្រៀងជាមួយក្រុមហ៊ុន Pfizer នឹងត្រូវចុះហត្ថលេខានៅក្នុងសប្តាហ៍ដំបូងនៃខែមករា។
ថ្លែងនៅក្នុងសន្និសីទសារព័ត៌មានផ្លូវការលើកដំបូង លោករដ្ឋមន្ត្រីបាននិយាយថាបុគ្គលិកសុខាភិបាលជួរមុខចំនួន ១,៣ លាននាក់នឹងទទួលបានអាទិភាពក្នុងការចាក់វ៉ាក់សាំង។ បុគ្គលិកថែទាំសុខភាពប្រហែល ៥០០ នាក់បានស្លាប់ដោយសារកូវីដ១៩។
លោកបានមានប្រសាសន៍ថា៖«ពួកគេគឺជាក្រុមមនុស្សសំខាន់បំផុតនៅក្នុងការប្រយុទ្ធប្រឆាំងនឹងជំងឺកូវីដ១៩” ។
ប្រទេសដែលមានប្រជាជនច្រើនបំផុតទីបួននៅលើពិភពលោកបានតស៊ូដើម្បីទប់ទល់នឹងវីរុសកូវីដ១៩។ របាយការណ៍បានរាយការណ៍ថា មានករណីឆ្លងជិត ៧២០.០០០ ករណីនិងមានអ្នកស្លាប់ចំនួន ២១.៥០០ នាក់ក្នុងចំណោមកម្ពស់ខ្ពស់បំផុតនៅអាស៊ី។
បុគ្គលិកពេទ្យនឹងត្រូវដាក់បញ្ចូលក្នុងយុទ្ធនាការចាក់វ៉ាក់សាំងលើកទី ១ ចន្លោះពីខែមករាដល់ខែមេសារួមជាមួយមន្ត្រីសាធារណៈ។
ស្របពេលដែលប្រទេសផ្សេងទៀតបានចាក់វ៉ាក់សាំងមនុស្សចាស់មុនគេ ប្រទេសឥណ្ឌូនេស៊ីបាននិយាយថាបន្ទាប់ពីបុគ្គលិកសុខាភិបាលនិងមន្ត្រីរាជការ អ្នកដែលមានអាយុចន្លោះពី ១៨ ទៅ ៥៩ ឆ្នាំនឹងស្ថិតក្នុងជួរបន្ទាប់ក្នុងកិច្ចប្រឹងប្រែងដើម្បីការពារប្រជាជនដែលកំពុងធ្វើការ។
ប្រទេសឥណ្ឌូនេស៊ីទទួលបានវ៉ាក់សាំងចំនួន ៣២៩ លានដូសក្នុងនោះមានពីប្រទេសចិនប្រមាណ ១២៥ លានដូស ពីស៊ីណូវ៉ាក់ ៥០ លានពី Novavax និង ៥៤ លានពីកម្មវិធីវ៉ាក់សាំងសកល COVAX ។ វ៉ាក់សាំងរបស់ AstraZeneca ត្រូវបានគេរំពឹងថានឹងមកដល់នៅត្រីមាសទី ២ ឆ្នាំ ២០២១ និងថ្នាំ Pfizer នៅត្រីមាសទី ៣ ។ ក្រុមហ៊ុនទាំងពីរមិនអាចទាក់ទងសុំការអត្ថាធិប្បាយបានទេ៕
ប្រភព៖ Reuters
រក្សាសិទ្ធិដោយ៖CEN