ភ្នំពេញ៖ សន្ទស្សន៍ផ.ម.ក. ក្នុងថ្ងៃចុងក្រោយនៃឆ្នាំ២០២០នេះ បានបិទត្រឹម៦៤៧,៩៨ ពិន្ទុ ពោលគឺមានការធ្លាក់ចុះ០,២២% ជាមួយនឹងទំហំជួញដូរភាគហ៊ុនសរុបចំនួន ១៣២,៣៤លានរៀល។
ទោះបីជា ភាគហ៊ុនអេស៊ីលីដាABC បានធ្លាក់មកត្រឹម១៧.១០០រៀល ក្តី ប៉ុន្តែភាគហ៊ុននេះមានចំណែករហូតដល់ទៅ៦៥% នៃទំហំជួញដូរសរុប។
ផ្ទុយមកវិញ ភាគហ៊ុន ភីភីអេសភី (PPSP) និងកំពុងផែស្វយ័តក្រុងព្រះសីហនុ (PAS) បានកើនឡើងដល់១.១៨០រៀល និង១៤.២០០រៀលរៀងគ្នា។ ស្របពេលជាមួយគ្នានេះ ភាគហ៊ុនបួនទៀត រដ្ឋាករទឹកស្វយ័តក្រុងភ្នំពេញ (PWSA) ហ្គ្រេនធ្វីន (GTI) កំពង់ផែស្វយ័តក្រុងភ្នំពេញ (PPAP) និង ផេសថិក (PEPC) បានរក្សាថ្លៃថេរដដែលត្រឹម៦.១០០រៀល ៣.២០០រៀល ១១.៧០០រៀល និង២.៩០០រៀល៕រក្សាសិទ្ធិដោយ៖CEN