មនុស្សចំនួន ៥៥.៨៩២នាក់នៅក្នុងប្រទេសអង់គ្លេស បានធ្វើតេស្តឃើញវិជ្ជមានកូវីដ១៩ ដែលជាកំណើនខ្ពស់បំផុត ចាប់តាំងពីពេលដែលវីរុសនេះបានចាប់ផ្តើមផ្ទុះនៅក្នុងប្រទេសមួយនេះ។
ទិន្នន័យបានបង្ហាញដែរថាចំនួនករណីឆ្លងវីរុសកូវីដ១៩នៅក្នុងអង់គ្លេសមានចំនួន ២.៤៨៨.៧៨០ករណី។ ករណីនេះបានឆ្លងជាប់គ្នាៗ ៣ថ្ងៃដែលមានករណីកើតឡើងជាង ៥០.០០០ ករណីនៅក្នុងប្រទេសនេះ។
មនុស្សប្រមាណ៩៦៤ នាក់ផ្សេងទៀតបានស្លាប់ក្នុងរយៈពេល ២៨ ថ្ងៃ ក្រោយការធ្វើតេស្តវិជ្ជមានកូវីដ១៩ ដែលធ្វើឱ្យចំនួនអ្នកស្លាប់សរុបកើនដល់ចំនួន ៧៣.៥១២ នាក់។
កាលពីថ្ងៃព្រហស្បតិ៍មន្ទីរពេទ្យនៅតាមកន្លែងសង្គ្រោះបន្ទាន់ដែលត្រូវបានគេស្គាល់ថាជាមន្ទីរពេទ្យរាត្រី (Nightingale ) នៅទូទាំងប្រទេសអង់គ្លេសកំពុងត្រូវបាន“ ត្រៀមខ្លួន” សម្រាប់ប្រើប្រាស់ប្រសិនបើចាំបាច់។ ក្រៅពីមន្ទីរពេទ្យនៅមជ្ឈមណ្ឌល អិចស្សែល របស់ទីក្រុងឡុងដ៍ និងមន្ទីរពេទ្យផ្សេងទៀតនៅទូទាំងប្រទេសអង់គ្លេសរួមមាន Manchester, Bristol, Sunderland, Harrogate, Exeter និង Birmingham ។
អ្នកនាំពាក្យនៃសេវាសុខាភិបាលអង់គ្លេស (NHS) បាននិយាយថាមន្ទីរពេទ្យនានានៅទីក្រុងឡុងដ៍ កំពុងស្ថិតក្រោមសម្ពាធយ៉ាងខ្លាំងពីអត្រាឆ្លងវីរុសកូវីដ១៩ ។ អ្នកនាំពាក្យរូបនេះបាននិយាយថា “NHS នៅទីក្រុងឡុងកំពុងត្រៀមគ្រែបន្ថែមទៀតនៅមន្ទីរពេទ្យ NHS នៅទូទាំងរដ្ឋធានី ដើម្បីថែទាំអ្នកជំងឺដែលមិនមានសុខភាពល្អបំផុត។ វាចាំបាច់ណាស់ដែលមនុស្សត្រូវធ្វើអ្វីៗគ្រប់យ៉ាងដែលពួកគេអាចធ្វើបានដើម្បីកាត់បន្ថយការឆ្លងវីរុសនេះ” ។
ក្រោមវិធានការណ៍របស់រដ្ឋាភិបាលថ្មីប្រជាជន ២០ លាននាក់បន្ថែមទៀតត្រូវបានគេដាក់ចូលទៅក្នុងលំដាប់ថ្នាក់លេខ ៤ ចាប់ពីថ្ងៃព្រហស្បតិ៍នេះ មានន័យថាចំនួនប្រជាជនសរុបចំនួន ៤៤ លាននាក់នឹងស្ថិតនៅក្នុងលំដាប់ទី ៤ ឬ ៧៨ ភាគរយនៃប្រជាជនអង់គ្លេស។
ទីក្រុងឡុងដ៍និងផ្នែកជាច្រើនទៀតនៃប្រទេសអង់គ្លេសបានស្ថិតនៅក្រោមកំរិតខ្ពស់បំផុតដែលតម្រូវឲ្យ អ្នករស់នៅតាមតំបន់នានាស្នាក់នៅក្នុងផ្ទះដោយមានការលើកលែងតិចតួច។ ប្រជាជនក៏ត្រូវបានជំរុញឱ្យធ្វើការពីផ្ទះ នៅពេលដែលពួកគេអាចនិងមិនគួរចូលឬចាកចេញពីតំបន់ទាំងនោះ។
ក្រុមប្រឹក្សាវិទ្យាសាស្ត្របន្ទាន់របស់រដ្ឋាភិបាលអង់គ្លេស (SAGE) បានជំរុញឱ្យគ្រប់តំបន់ទាំងអស់នៃប្រទេសអង់គ្លេសត្រូវដាក់ក្នុងកំរិតចំនួនតឹងរឹងបំផុត។ ដើម្បីនាំជីវិតទៅរកភាពប្រក្រតីវិញប្រទេសមួយចំនួនដូចជាអង់គ្លេស ចិន អាល្លឺម៉ង់ រុស្ស៊ីនិងសហរដ្ឋអាមេរិកកំ ពុងប្រកួតប្រជែងនឹងពេលវេលាដើម្បីបង្កើតវ៉ាក់សាំងប្រឆាំងវីរុសនេះ៕
ប្រភព៖ Xinhau
រក្សាសិទ្ធិដោយ៖CEN
