អាជ្ញាធរបាននិយាយថាចាប់ពីដើមឆ្នាំនេះតទៅ ប្រទេសចិននឹងអនុញ្ញាតឱ្យនាំចូលវត្ថុធាតុដើម កែច្នៃដែកនិងដែកថែប ដែលបំពេញតាមស្តង់ដារជាតិចិន ប៉ុន្តែប្រទេសនេះនឹងហាមរាល់ការនាំចូលសំណល់រឹង។
យោងតាមសេចក្តីជូនដំណឹងរួមគ្នាដែលចេញដោយក្រសួងបរិស្ថាននិងអេកូឡូស៊ី (MEE) គណៈកម្មាធិការជាតិអភិវឌ្ឍន៍និងកែទម្រង់ជាតិ អគ្គនាយកដ្ឋានគយ ក្រសួងពាណិជ្ជកម្មនឹង ក្រសួងឧស្សាហកម្មនិងបច្ចេកវិទ្យាព័ត៌មាន បានឲ្យដឹងថា៖«តម្រូវការយ៉ាងតឹងរឹងទៅលើការគ្រប់គ្រងការនាំចូលប្រភេទដែកកែច្នៃឡើងវិញនិងវត្ថុធាតុដើមដែកនឹងធ្វើឡើង»។
ប្រទេសចិនបានចេញផ្សាយជាផ្លូវការនូវស្តង់ដារជាតិស្តីពីការកែច្នៃសម្ភារៈដែកនិងដែកថែបនៅថ្ងៃទី ១៧ ខែធ្នូហើយនឹងអនុវត្តវានៅថ្ងៃទី ១ ខែមករាឆ្នាំនេះតទៅ។ ស្តង់ដារបញ្ជាក់ពីនិយមន័យចំណាត់ថ្នាក់ តម្រូវការបច្ចេកទេស វិធីសាស្ត្រត្រួតពិនិត្យនិងវិធានទទួលយកសម្រាប់កែច្នៃដែកនិងដែកថែប។
វានឹងផ្តល់ការគាំទ្របច្ចេកទេសស្តង់ដារសម្រាប់ការប្រើប្រាស់ធនធានដែកកែច្នៃដែលមានគុណភាពខ្ពស់ទាំងពីក្នុងនិងក្រៅប្រទេស។ អាជ្ញាធរចិនបាននិយាយនៅមុននេះថាប្រទេសនេះនឹងហាមឃាត់រាល់ការនាំចូលកាកសំណល់រឹងចាប់ពីថ្ងៃទី ១ ខែមករាឆ្នាំ ២០២១នេះតទៅ៕
ប្រភព៖ Xinhau
រក្សាសិទ្ធិដោយ៖CEN