បាត់ដំបង៖ ស្នងការដ្ឋាននគរបាលខេត្តបាត់ដំបង បានចេញរបាយការណ៍លម្អិត ករណីសមត្ថកិច្ចនគរបាលខេត្តបាត់ដំបង សហការជាមួយសមត្ថកិច្ចនគរបាលនាយកដ្ឋាននគរបាលព្រហ្មទណ្ឌ និងសមត្ថកិច្ចនគរបាលរាជធានីភ្នំពេញ ឃាត់ខ្លួនបុរសជាអ្នកបើករថយន្តLuxus Rx300 ពណ៌ខ្មៅ ដែលដឹកខ្មាន់កាំភ្លើង ក្នុងករណីបាញ់សម្លាប់មន្ត្រីនគរបាលព្រហ្មទណ្ឌរាជធានីភ្នំពេញ។
នៅថ្ងៃទី៣ ខែ មករា ឆ្នាំ ២០២១ វេលាម៉ោង១៥និង២២នាទីអនុវត្តតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងដោយបានការសម្របសម្រួលលើនីតិវិធីពីឯកឧត្តម គឺប៊ុណ្ណារ៉ា ព្រះរាជអាជ្ញាអមសាលាដំបូងខេត្តបាត់ដំបង ផងនោះលោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ នៃស្នងការដ្ឋាន បានចាត់តាំងលោកវរសេនីយ៍ឯកឈឿង គឹមសុង នាយការិយាល័យនគរបាលព្រហ្មទ័ណ្ឌកម្រិតស្រាល និងមន្ត្រីការិយាល័យព្រហ្មទណ្ឌ័កម្រិតធ្ងន់នៃស្នងការដ្ឋានដឹកនាំចូលរួមសហការ ជាមួយកម្លាំងនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននរបាលជាតិ និងកម្លាំងនគរបាលនៃស្នងការដ្ឋាននគរបាលរាជធានីភ្នំពេញធ្វើការឃាត់ខ្លួនជនសង្ស័យម្នាក់ឈ្មោះ កែ ចាន់មាន ភេទប្រុស អាយុ២៤ឆ្នាំមានទីលំនៅភូមិអន្លង់វិល ឃុំអន្សាស្រុកកណ្តៀងខេត្តពោធិ៍សាត់ដែល(ជាអ្នកបើករថយន្ត) LuxusRx300 ពណ៌ខ្មៅពាក់ព័ន្ធករណីបាញ់សម្លាប់លោកវរសេនីយ៍ទោ រ៉េត ស៊ីណែត ជានាយរងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ក្នុងខណៈដែលជនសង្ស័យរូបនេះបានរត់គេចមកសម្ងំលាក់ខ្លួននៅចំណុចសង្កាត់ទួលតាឯក ក្រុងបាត់ដំបង ខេត្តបាត់ដំបង។
ក្រោយធ្វើការឃាត់ខ្លួនសមត្ថកិច្ចនគរបាលខេត្តបាត់ដំបង បានធ្វើការប្រគល់ជនសង្ស័យរូបនេះជូនទៅសមត្ថកិច្ចនគរបាលនាយកដ្ឋាននគរបាលព្រហ្មទ័ណ្ឌ ដើម្បីចាត់ការបន្តតាមនីតិវិធី៕រក្សាសិទ្ធិដោយ៖បញ្ញាស័ក្តិ
