ភ្នំពេញ៖កម្លាំងចម្រុះនៃគណៈបញ្ជាការឯកភាពរដ្ឋបាលខណ្ឌប្ញស្សីកែវ កាលពីរសៀលថ្ងៃទី៤ ខែមករា ឆ្នាំ២០២១ បានចុះធ្វើបច្ចុប្បន្នភាពផ្ទះបណ្ដែតទឹក និងបែរចិញ្ចឹមត្រី លើដងទន្លេសាប ក្នុងភូមិសាស្ត្រសង្កាត់ចំនួន៥ ក្នុងខណ្ឌប្ញស្សីកែវ។
លោកប្រាជ្ញា សីហា អភិបាលរងខណ្ឌ បានបញ្ជាក់ថា ជាលទ្ធផលក្នុងប្រតិបត្តិការនេះ មានដូចជា៖១- សង្កាត់ទួលសង្កែទី១៖ មានចំនួន ៩ ទីតាំង ធ្វើបច្ចុប្បន្នភាពឡើងវិញ មានចំនួន ៩ ទីតាំង។ ២- សង្កាត់ប្ញស្សីកែវ មានចំនួន ៦២ ទីតាំង ៖ភូមិសាមគ្គី ៖ មានចំនួន ៣ ទីតាំង ជាក់ស្តែងមានចំនួន ២ ទីតាំងភូមិឃ្លាំងសាំង ៖ មានចំនួន ៣៤ ទីតាំង ជាក់ស្តែង ៣០ ទីតាំង, អាជ្ញាធររុះរើចេញ ១ ទីតាំង, បានរើចេញ ១ ទីតាំងភូមិមិត្តភាព ៖ មាន ២៥ ទីតាំង ជាក់ស្តែង ១៧ ទីតាំង ក្នុងនោះ នៅថ្មី ១ ទីតាំង។ ៣- សង្កាត់ស្វាយប៉ាក ៖ ផ្ទះលើទឹក ១២៦ទីតាំង បែរចិញ្ចឹមត្រី៦៩ទីតាំង អ្នកស្នាក់នៅ ១៧៥គ្រួសារ មនុស្ស ៨៩៥នាក់ ។ ក្នុងនោះបែរចិញ្ចឹមត្រី០៥ ស្មើនឹង៤គ្រួសារ បានចូលមកស្នាក់នៅថ្មី ហើយអាជ្ញាធរ បានណែនាំឱ្យរុះរើចេញ ក្នុងរយៈពេលមួយសប្តាហ៍ ប៉ុន្តែប្រជាពលរដ្ឋទាំងនោះបានសំណូមពរសុំរុះរើ ក្រោយពីបុណ្យចូលឆ្នាំចិន ចប់រយៈពេល ១០ថ្ងៃ ដោយមូលហេតុទឹកទន្លេហូរខ្លាំង។ ករណីនេះ រដ្ឋបាលខណ្ឌ នឹងស្នើសុំមតិយោបល់ពី រដ្ឋបាលរាជធានីភ្នំពេញ ដើម្បីអនុវត្តបន្តតាមនីតិវិធី។ ៤- សង្កាត់ច្រាំងចំរេះទី១ ៖ ផ្ទះលើទឹក ២៥ទីតាំង បែរចិញ្ចឹមត្រី១៨ទីតាំង អ្នកស្នាក់នៅ៤៤គ្រួសារ មនុស្ស២១២នាក់។ ៥- សង្កាត់ច្រាំងចំរេះទី២ ៖ ផ្ទះលើទឹក ៦៧ទីតាំង បែរចិញ្ចឹមត្រី ៥១ទីតាំង អ្នកស្នាក់នៅ ៩០គ្រួសារ មនុស្ស ៥៦២នាក់។
ក្នុងនោះបែរចិញ្ចឹមត្រី៥ ស្មើនឹង៤គ្រួសារ បានចូលមកស្នាក់នៅថ្មីក្នុងនោះអាជ្ញាធរបានណែនាំឱ្យរុះរើចេញ ក្នុងរយៈពេលមួយសប្តាហ៍ ហើយប្រជាពលរដ្ឋទាំងនេះ បានឯកភាពតាមការណែនាំរបស់អាជ្ញាធរ។
គួរបញ្ជាក់ថា៖ប្រតិបត្តិការចុះធ្វើបច្ចុប្បន្នភាពផ្ទះបណ្ដែតទឹក និងបែរចិញ្ចឹមត្រី លើដងទន្លេសាប ក្នុងភូមិសាស្ត្រសង្កាត់ចំនួន៥ក្នុងខណ្ឌប្ញស្សីកែវ លោក ស៊ូ សោគន្ធ អភិបាលរងខណ្ឌ និង លោក ប្រាជ្ញ សីហា អភិបាលរងខណ្ឌ តំណាង លោកអភិបាលខណ្ឌប្ញស្សីកែវ ដឹកនាំកម្លាំងចម្រុះនៃគណៈបញ្ជាការឯកភាពរដ្ឋបាលខណ្ឌ ចុះស្រង់ស្ថិតិ និងធ្វើបច្ចុប្បន្នភាពផ្ទះបណ្តែតទឹក និងបែរចិញ្ចឹមត្រី តាមដងទន្លេសាប ក្នុងមូលដ្ឋានភូមិសាស្ត្រខណ្ឌប្ញស្សីកែវ៕រក្សាសិទ្ធិដោយ៖បញ្ញាស័ក្តិ
