នាយកដ្ឋានព័ត៌មានវិទ្យានៃក្រសួងមហាផ្ទៃ នៅថ្ងៃទី៦មករានេះ បានឲ្យដឹងថា សូមបងប្អូនមេត្តាប្រុងប្រយ័ត្នករណីនេះកំពុងកេីតឡេីងជាច្រេីនករណីនាពេលថ្មីៗនេះ!។
បទល្មើសលួចថតរូបភាព ឬវីដេអូអាសអាភាស និងគំរាមទារប្រាក់ (Sex Extortion – Sextortion)៖ ដើម្បីសម្រេចគោលបំណង ឧក្រិដ្ឋជនប្រេីប្រាស់គ្រប់មធ្យោបាយដាក់ធ្នាក់បោកប្រាស់មនោសញ្ចេតនាជនរងគ្រោះ ក្នុងគោលបំណងអូសទាញរួមភេទតាមរយៈអនឡាញ បន្ទាប់មកលួចថតរូបភាព ឬវីដេអូជនរងគ្រោះ និងគំរាមទារប្រាក់ (ការបង់ប្រាក់ច្រេីនដំណាក់កាល ឥតឈប់ឈរ)។
បទល្មើសប្រភេទនេះ កំពុងកើតមានឡើងជាច្រើនករណី ក្នុងព្រះរាជាណាចក្រកម្ពុជា ក្នុងនោះជនរងគ្រោះភាគច្រើនជាស្ត្រី (សិស្សសាលា ឬឈ្មួញរកស៊ី) និងចំណែកបុរសភាគច្រើនជាបុគ្គលិកក្រុមហ៊ុន ដែលធ្លាក់ក្នុងការឆបោកពីសំណាក់ក្រុមឧក្រិដ្ឋជនក្រៅប្រទេស។ បេីអ្នកក្លាយជាជនរងគ្រោះនៃបទល្មេីសប្រភេទនេះ សូមធ្វេីការរាយការណ៍ដល់មន្ត្រីមានសមត្ថកិច្ច៕ រក្សាសិទ្ធិដោយ៖បញ្ញាស័ក្តិ
