ការសាងសង់ព្រលានយន្តហោះអន្តរជាតិឡុងថាញដែលជាការទន្ទឹងរង់ចាំជាយូរនៅភាគខាងត្បូងខេត្តដុងណៃ (Đồng Nai)និងជិតទីក្រុងហូជីមិញ បានចាប់ផ្តើមកាលពីថ្ងៃអង្គារបន្ទាប់ពីមានការពន្យាពេលជាច្រើនឆ្នាំ។
ការពន្យារពេលនេះបណ្តាលមកពីបញ្ហាដែលទាក់ទងទៅនឹងការទិញដីនិងការទូទាត់សំណង ប៉ុន្តែខេត្តដុងណៃត្រូវបានគេប្រគល់ដីឲ្យចំនួន ១៦០០ ហិកតា។ នេះបើយោងតាមគណៈកម្មាធិការប្រជាជន។ នៅសល់ដីប្រមាណ ២០០ ហិកតា នឹងត្រូវបានប្រគល់សម្រាប់ដំណាក់កាលដំបូងនៃការសាងសង់អាកាសយានដ្ឋានធំបំផុតរបស់ប្រទេសនេះ នឹងត្រូវប្រគល់ឱ្យបន្ទាប់ពីគ្រួសារដែលរងផលប៉ះពាល់ត្រូវបានផ្លាស់ប្តូរទៅកន្លែងតាំងទីលំនៅថ្មីនៅពេលពួកគេត្រូវបានរកឃើញ។
ដីសរុបចំនួន ៥,០០០ ហិកតាសម្រាប់សាងសង់ព្រលានយន្តហោះនិង ដីប្រមាណ ៣៦៤ ហិកតានៅកន្លែងផ្សេងទៀតដើម្បីសាងសង់កន្លែងតាំងទីលំនៅថ្មីចំនួន ២ នឹងត្រូវប្រគល់ឱ្យនៅត្រីមាសទី ២ នៃឆ្នាំនេះ។ សាជីវកម្មអាកាសយានដ្ឋានវៀតណាម (ACV) ដែលនឹងធ្វើការសាងសង់និងប្រតិបត្តិការ បាននិយាយថាខ្លួនបានត្រួតពិនិត្យដីទាំងមូល ដើម្បីរកមើលគ្រាប់បែកនិងគ្រាប់មិនទាន់ផ្ទុះ។
លោក ង្វៀន វណ្ណថែ (Nguyễn Văn Thể) រដ្ឋមន្ត្រីក្រសួងដឹកជញ្ជូនរបស់វៀតណាមបានមានប្រសាសន៍ថា“ យើងមានបំណងសាងសង់ព្រលានយន្តហោះនេះឲ្យចប់តាមកាលកំណត់នៅឆ្នាំ២០២៥”។ នៅក្នុងខែវិច្ឆិការដ្ឋាភិបាលបានអនុម័តដំណាក់កាលដំបូង។
ការងារនេះមានធាតុផ្សំចំនួនបួនគឺ ទីស្នាក់ការកណ្តាលនៃទីភ្នាក់ងារគ្រប់គ្រងរដ្ឋាភិបាល សេវាកម្មគ្រប់គ្រងការហោះហើរ សម្ភារៈអាកាសយានដ្ឋានចាំបាច់ និងការងារផ្សេងទៀត។ ខណៈដែល ACV ដែលប្រតិបត្តិការព្រលានយន្តហោះចំនួន ២២ នៅទូទាំងប្រទេសនឹងសាងសង់អាកាសយានដ្ឋានថ្មីភាគច្រើនរដ្ឋាភិបាលបានណែនាំឱ្យក្រុមហ៊ុនអាកាសចរណ៍ជាតិវៀតណាមបង្កើតប៉មត្រួតពិនិត្យនិងលក្ខណៈទាក់ទងនឹងសុវត្ថិភាពផ្សេងៗទៀត។
រដ្ឋាភិបាលក៏បានស្នើឱ្យមានការកសាងផ្លូវហាយវ៉េចំនួន ២ សម្រាប់ភ្ជាប់ទំនាក់ទំនងរវាងទីក្រុងហូជីមិញនិងអាកាសយានដ្ឋាន។ ដំណាក់កាលទី ១ ត្រូវបានគេរំពឹងថានឹងចំណាយថវិកាអស់ជាង ៤,៦ ពាន់លានដុល្លារអាមេរិក។
ប្រជាជនចំនួន ៤.៨០០ គ្រួសារនិងអង្គការចំនួន ២៦ ត្រូវបានគេរំពឹងថានឹងត្រូវផ្លាស់ប្តូរទីលំនៅទាំងអស់។លោកនាយករដ្ឋមន្រ្តី ង្វៀនសុងហ្វុក (Nguyễn Xuân Phúc) បានធ្វើការដាស់តឿនខេត្តឱ្យពន្លឿនការទទួលបានដីនិងការទូទាត់សំណង។
លោកបានមានប្រសាសន៍ថា៖“ ការស្ថាបនានេះគឺជាជំហានសំខាន់មួយក្នុងការលើកកម្ពស់ការវិនិយោគសាធារណៈនិងដោះស្រាយផលប៉ះពាល់ជាអវិជ្ជមានពីវីរុសកូវីដ១៩មកលើសេដ្ឋកិច្ច” ។ នៅពេលដែលបានបញ្ចប់ – នៅក្នុងដំណាក់កាលទី៣ ចំណាយទឹកប្រាក់សរុបចំនួន ១៤,៤៧ ពាន់លានដុល្លារ – វានឹងបំបែកឃុំចំនួន ៦ នៅក្នុងស្រុកឡុងថាញ។
ក្នុងដំណាក់កាលទី ១ ផ្លូវរត់ចម្ងាយ ៤.០០០ ម៉ែត្រ កន្លែងចតយន្តហោះ និងចំណតអ្នកដំណើរជាមួយការងារជំនួយផ្សេងទៀតដែលមានផ្ទៃក្រឡាសរុប ៣៧៣,០០០ ម៉ែត្រការ៉េនឹងត្រូវសាងសង់ដើម្បីបម្រើអ្នកដំណើរ ២៥ លាននាក់និងទំនិញ ១,២ លានតោនក្នុងមួយឆ្នាំ។ និយាយរួមវានឹងមានផ្លូវរត់ចំនួន ៤ និងចំណតអ្នកដំណើរចំនួន ៤ ដើម្បីគ្រប់គ្រងអ្នកដំណើរ ១០០ លាននាក់និងទំនិញ ៥ លានតោននៅឆ្នាំ ២០៤០ ។
អាកាសយានដ្ឋានអន្តរជាតិ TânSơnNhất ក្នុងទីក្រុងហូជីមិញបានទទួលរងនូវការផ្ទុកលើសចំណុះក្នុងរយៈពេលជាច្រើនឆ្នាំទាំងលើផ្លូវអាកាសនិងនៅលើដី៕ – VNS
