ភ្នំពេញ៖ អគ្គនាយកដ្ឋានពន្ធដារ បានចេញសេចក្តីប្រកាសព័ត៌មានស្តីពី ការចូលជាធរមាន និងប្រសិទ្ធភាពអនុវត្តកិច្ចព្រមព្រៀង ស្តីពីការលុបបំបាត់ការយកពន្ធត្រួតគ្នា ពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធនិងការចៀសវាងពន្ធ រវាងកម្ពុជា-ម៉ាឡេស៊ី។
អគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ មានកិត្តិយសសូមជម្រាបជូនសាធារណជនជាតិ និងអន្តរជាតិ ជ្រាបថា ច្បាប់ស្តីពីការអនុម័តយល់ព្រមលើកិច្ចព្រមព្រៀង រវាង រាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃ ម៉ាឡេស៊ី ស្តីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធ លើប្រាក់ចំណូល និងការបង្ការការគេចវេះពន្ធនិងការចៀសវាង ពន្ធ (Agreement between the Government of the King- dom of Cambodia and the Government of Malaysia forthe Elimination of Double Taxation with Respect to Taxes on Income and the Prevention of Tax Evasion and Avoid ance) ត្រូវបានប្រកាសឱ្យប្រើដោយព្រះរាជក្រមលេខ នស/រកម/ ១១២០/០២៣ ចុះថ្ងៃទី១៤ ខែវិច្ឆិកា ឆ្នាំ២០២០។ អនុលោម តាមមាត្រា២៩ ស្តីពីការចូលជាធរមាននៃកិច្ចព្រមព្រៀងនេះ និង បន្ទាប់ពីភាគីទាំងពីរបានជូនដំណឹងឱ្យគ្នាទៅវិញទៅមក ដោយ ការផ្លាស់ប្តូរកំណត់ទូតអំពីការបំពេញចប់សព្វគ្រប់នូវនីតីវិធីដែលតម្រូវដោតច្បាប់ក្នុងស្រុក កិច្ចព្រមព្រៀងនេះជាធរមាន និងត្រូវមានប្រសិទ្ធភាពអនុវត្តចាប់ពីថ្ងៃទី១ ខែមករា ឆ្នាំ២០២១ តទៅ។
អាស្រ័យដូចបានជម្រាបជូនខាងលើ សូមសាធារណជន ជាតិ និងអន្តរជាតិ ជ្រាប និងចូលរួមអនុវត្ត តាមសេចក្តីណែនាំ របស់ក្រសួងសេដ្ឋកិច្ចនិងហិរញ្ញវត្ថុ និងអគ្គនាយកដ្ឋានពន្ធដារ ព្រមទាំងបទដ្ឋានគតិយុត្តដទៃទៀតដែលមានជាធរមានឱ្យមាន ប្រសិទ្ធភាពខ្ពស់៕ រក្សាសិទ្ធិដោយ៖បញ្ញាស័ក្តិ
