ភ្នំពេញ ៖ លោកហួត ហៃ អភិបាលរងរាជធានីភ្នំពេញ បានដឹកនាំប្រជុំជាមួយអង្គការ GGGI ស្តីពីគម្រោងកែច្នៃសំរាមទៅជាឥន្ធនៈចំហេះ (RDF) នៅទីលានចាក់សំរាមដង្កោ និងការអនុវត្តអនុក្រឹត្យលេខ ១៨៩ អនក្រ.បក ចុះថ្ងៃទី១៦ ខែវិច្ឆិកា ឆ្នាំ២០២០ ដើម្បីបន្សុតគ្នារវាងការងារ ដែលបាននឹងកំពុងធ្វើ និងគោលការណ៍ថ្មីៗ របស់រាជរដ្ឋាភិបាល កាលពីថ្ងៃទី៨ ខែមករា ឆ្នាំ២០២១នៅរដ្ឋបាលរាជធានីភ្នំពេញ។
គួររំលឹកថា៖ កន្លងមកមានក្រុមហ៊ុនបរទេសមួយចំនួន បានមកទាក់ទងនិងស្នើរសុំរដ្ឋបាលរាជធានីភ្នំពេញ និងរាជរដ្ឋាភិបាលកម្ពុជាធ្វើការវិនិយោគទីលានចាក់សំរាមដង្កោ ឱ្យទៅជាអគ្គិសនីហើយក្រុមហ៊ុនខ្លះ ចង់ប្រែក្លាយសំរាមទៅជាហ្គាសក៏មានតែក្រោយពីជួបពិភាក្សាហើយ បាត់ជាបន្តបន្ទាប់។ ចាំមើលៗអង្គការ GGGI ថ្មីនេះមានគម្រោងកែច្នៃសំរាមទៅជាឥន្ធនៈចំហេះ (RDF)អាចជោគជ័យដែរឬទេ៕រក្សាសិទ្ធិដោយ៖បញ្ញាស័ក្តិ
