ភ្នំពេញ៖ ក្រសួងសុខាភិបាល បានចេញសេចក្ដីជូនដំណឹង ឲ្យដឹងថា គិតត្រឹមព្រឹកថ្ងៃទី០៩ ខែមករា ឆ្នាំ២០២១ ក្រុមគ្រូពេទ្យជំនាញបានរកឃើញអ្នកឆ្លងជំងឺកូវីដ-១៩ ថ្មី ១នាក់ ថែមទៀត ដែលជាពលករខ្មែរ ទើបត្រឡប់មកពីប្រទេសថៃ ខណៈដែលបានព្យាបាលបានឲ្យជាសះស្បើយចំនួន ០៣នាក់ ហើយបានអនុញ្ញាតឲ្យចេញពីមន្ទីរពេទ្យ ទៅកាន់ទីស្នាក់អាស្រ័យរៀងៗខ្លួនអស់ហើយ ។
អ្នកឆ្លងជំងឺកូវីដ-១៩ថ្មីនេះ គឺជាបុរសខ្មែរ អាយុ២៤ឆ្នាំ ស្នាក់នៅភូមិថ្នល់បត់ ឃុំភ្នំតូច ស្រុកមង្គលបុរី ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៤ ខែមករា ឆ្នាំ២០២១ ពេលនេះត្រូវបានដាក់ឲ្យសម្រាកព្យាបាល នៅមន្ទីរពេទ្យបង្អែកខេត្តបន្ទាយមានជ័យ ។
ចំណែកអ្នកជាសះស្បើយមាន ÷ ១- ស្ត្រីជនជាតិខ្មែរ អាយុ២៦ឆ្នាំ ស្នាក់នៅ ឃុំអូរដំបង២ ស្រុកសង្កែ ខេត្តបាត់ដំបង ។ ២- ស្ត្រីជនជាតិខ្មែរ អាយុ២៦ឆ្នាំ ស្នាក់នៅ ភូមិដូង ឃុំកំរៀង ស្រុកកំរៀង ខេត្តបាត់ដំបង ។ ៣- ស្ត្រីជនជាតិខ្មែរ-អាមេរិកាំង អាយុ៣៦ឆ្នាំ ស្នាក់នៅ ក្រុងតាខ្មៅ ខេត្តកណ្តាល ។
– សរុបអ្នកឆ្លងកូវីដ-១៩ មាន ៣៨៧នាក់,
– អ្នកជាសះស្បើយមាន ៣៦៥នាក់,
– អ្នកកំពុងសម្រាកព្យាបាលនៅមន្ទីរពេទ្យនានមាន ២២នាក់ ៕រក្សាសិទ្ធិដោយ៖CEN