ទណ្ឌិត​៥​នាក់ លួច​រត់ ចេញពី​ពន្ធនាគារ​ខេត្តកណ្តាល​ទាំងយប់

​កណ្ដាល​៖ ទណ្ឌិត​ចំនួន​៥​នាក់​បាន​លួច​រត់​ចេញពី​ពន្ធនាគារ​ខេត្តកណ្តាល នៅវេលា​ម៉ោង​១០​យប់​ថ្ងៃទី​៩ ខែមករា ឆ្នាំ​២០២១ ។ សមត្ថកិច្ច​បាន​ស្រាវជ្រាវ​តាម​ចាប់ខ្លួន ទណ្ឌិត​បាន​ម្នាក់​មកវិញ ចំណែក​ទណ្ឌិត​៤​នាក់​ទៀត រត់គេច​បាត់​។

​ប៉ូលិស​បាន​និយាយថា សមត្ថកិច្ច​កំពុង​តាម​ចាប់​ទណ្ឌិត​៤​នាក់ ដែល​កំពុង​រត់គេចខ្លួន​នោះ ក្នុងនោះ​មាន​ម្នាក់ ត្រូវបាន​ផ្តន្ទាទោស​ករណី​គ្រឿងញៀន និង​៣​នាក់​ទៀត ករណី​លួច និង​លួច​មាន​ស្ថានភាព​ទម្ងន់ទោស​៕ រក្សា​សិទ្ធិ​ដោយ​៖​បញ្ញា​ស័ក្តិ​