កណ្ដាល៖ ស្ត្រីម្នាក់បានប្រើស្ទីលចាស់យកលាមវះលូកយកលុយហើយបណ្ដោះឲ្យបក្ខពួកខ្លួនរត់គេចខ្លួនបាត់ កាលពីថ្ងៃទី ១០ ខែមករា ឆ្នាំ២០២១នេះ វេលាម៉ោង ០៩និង០០នាទីនៅចំណុចក្នុងផ្សារកំពង់កន្ទួត
ភូមិស្វាយមីង ឃុំបារគូ ស្រុកកណ្តាលស្ទឹងខេត្តកណ្តាល។
លោកវរសេនីយ៍ទោសុឹម គឹមស៊ុន អធិការរងទទួលផែនយុត្តិធម៌បានថ្លែងឲ្យដឹងថា ជនរងគ្រោះមានឈ្មោះ មាស ស្រីនាង ភេទស្រីអាយុ៣០ឆ្នាំមានទីលំនៅភូមិ រោងគោឃុំទ្រា ស្រុកកណ្តាលស្ទឹងខេត្តកណ្តាលមុខរបរ កម្មការិនីរោងចក្រ។ រីឯជនសង្ស័យមានចំនួន២នាក់រត់គេចខ្លួនម្នាក់ឈ្មោះ យួន។ហើយចាប់បានម្នាក់មានឈ្មោះ លី ភា ភេទស្រី អាយុ ៣៦ឆ្នាំ ស្នាក់នៅផ្ទះជួល ភូមិប្រប្រកខាងជើង សង្កាត់កាកាប ខណ្ឌពោធិសែនជ័យ រាជធានីភ្នំពេញមុខរបរ ពុំពិតប្រាកដ(ឃាត់ខ្លួនបាន)។
លោក សុឹម គឹមស៊ុន បានបញ្ជាក់ទៀតថា វត្ថុតាងចាប់យករួមមាន: ទូរស័ព្ទ១គ្រឿង ម៉ាក oppoពណ៌ខ្មៅ ហើយប្រាក់រៀលចំនួន ៣០.០០០រៀល។រីឯសម្ភារបាត់បង់រួមមាន: ប្រាក់ដុល្លារចំនួន២៧០ដុល្លារប្រាក់រៀលចំនួន១.៤២០.០០០រៀលត្រូវបានជនសង្ស័យបណ្ដោះឲ្យបក្ខពួកខ្លួនយករត់បាត់។
លោកអធិការរងបានបន្តទៀតថា កាលពីថ្ងៃកើតហេតុខាងលើនៅវេលាម៉ោង៨និង២០នាទីព្រឹកជនរងគ្រោះបានជិះម៉ូតូចេញពីផ្ទះ មកផ្សារកំពង់កន្ទួតដើម្បីទិញខោអាវម្ហូបអាហារ ពេលមកដល់ផ្សារជនរងគ្រោះបានទិញខោអាវ ធូបទៀន និងដើរទិញផ្លែឈើស្រាប់តែជនសង្ស័យបានលូកដៃលួចលុយក្នុងហោប៉ៅអាវជនរងគ្រោះ គឺលុយដុល្លារចំនួន២៧០ដុល្លា រនិងលុយរៀលចំនួន១.៤២០.០០០រៀលនិងហុចលុយនេះបន្តឲ្យបក្សពួកខ្លួនម្នាក់ទៀតឈ្មោះ យួន ភេទស្រីយករត់គេចខ្លួនបាត់។ចំណែកជនសង្ស័យត្រូវបានជនរងគ្រោះចាប់បានប្រគល់ឲ្យនគរបាលរដ្ឋាបាលបុស្តិ៍បារគូ បញ្ជូនមកអធិការដ្ឋាននគរបាលស្រុកកណ្តាលស្ទឹង ចាត់ការតាមនីតិវិធីច្បាប់៕ រក្សាសិទ្ធិដោយ៖បញ្ញាស័ក្តិ