ចាប់ពីដើមត្រីមាសទី៤ឆ្នាំ២០២០មក សន្ទស្សន៍ផ្សារមូលបត្រកម្ពុជា បានបង្ហាញនូវទំនោរធ្លាក់ចុះ ដែលគិតជាភាគរយស្មើនឹង៤% ពោលគឺមានការធ្លាក់ចុះពី ៦៦១,៨៥ពិន្ទុ មកត្រឹម៦៣៣,៨៣ពិន្ទុតែប៉ុណ្ណោះត្រឹមពេលផ្សារបិទថ្ងៃនេះ។
ភាគហ៊ុនដែលធ្វើឱ្យសន្ទស្សន៍ផ.ម.ក. មានការធ្លាក់់ចុះបន្ថែមទៀត ក្នុងថ្ងៃនេះ គឺ ភាគហ៊ុន អេស៊ីលីដា (ABC) ភាគហ៊ុនកំពង់ផែស្វយ័តក្រុងព្រះសីហនុ (PAS) និង រដ្ឋាករទឹកស្វយ័តក្រុងភ្នំពេញ (PWSA) ដែលមានថ្លៃថយចុះមកត្រឹម១៦.៧០០រៀល, ១៣.៩០០រៀល និង៥.៩៨០រៀល។
ដោយឡែក ភាគហ៊ុនផេសថិក (PEPC) ជាថ្មីម្តងទៀត បានបិទនៅថ្លៃពិសេស គឺ២.៧៨០រៀល ដែលមានកំណើនខ្ពស់ជាងថ្លៃមូលដ្ឋាន ១០រៀល។ ក្រៅពីនេះ ភាគហ៊ុន ហ្គ្រេនធ្វីន (GTI) កំពង់ផែស្វយ័តភ្នំពេញ (PPAP) និងភាគហ៊ុនតំបន់សេដ្ឋកិច្ចពិសេសភ្នំពេញ (PPSP) បានរក្សាថ្លៃថេរដដែលត្រឹម ៣.២៩០រៀល ១១.៧៨០រៀល និង១.១៦០រៀល រៀងគ្នា។ ទំហំជួញដូរភាគហ៊ុនសរុបមានចំនួន ១៨៤,០៧ លានរៀល៕ រក្សាសិទ្ធិដោយ ៖ CEN
