បាត់ដំបង៖ ក្រុមការងារប្រតិកម្មរហ័សនៃស្នងការដ្ឋាននគរ បាលខេត្តបាត់ដំបង ជម្រាបជូនសាធារណៈជន ពិសេសអ្នកនិយមប្រើប្រាស់បណ្តាញសង្គមជ្រាបថា ពីថ្ងៃទី១១ខែ មករា ឆ្នាំ២០២១ម្សិលមិញបានឃើញសារព័ត៌មានផ្សព្វផ្សាយពីករណីល្បែងស៊ីសង(អាប៉ោង)នៅក្រុងបាត់ដំបង។
បន្ទាប់ពីព័ត៌មាននេះផ្សព្វផ្សាយលោក ឧត្តមសេនីយ៍ទោ សាត គឹមសាន ស្នងការនៃ ស្នងការដ្ឋាននគរបាលខេត្តបាត់ដំបង បានស្នើឱ្យផែនការងារនគរបាលព្រហ្មទណ្ឌ ដែលមាន ការិយាល័យនគរបាលកម្រិតស្រាលចុះធ្វើការ ពិនិត្យនិងស្រាវជ្រាវជុំវិញការលើកឡើងរបស់ សារព័ត៌មាន ។
ក្នុងករណីដែលស្រាវជ្រាវរកឃើញថាពិតជាមានការលួចលាក់ប្រព្រឹត្តល្បែង ស៊ីសងមែននោះលោកស្នងការបញ្ជាឱ្យធ្វើការ បង្ក្រាបភ្លាម។
សូមជម្រាបជូនថា កាលពីថ្ងៃទី២០ ខែធ្នូ ឆ្នាំ២០២០ កន្លងទៅថ្មីនេះ សមត្ថកិច្ចនគរបាលផែនការងារ ព្រហ្មទណ្ឌ ដែលមានការិយាល័យនគបាលព្រហ្មទណ្ឌកម្រិតស្រាល រួមជាមួយកម្លាំងអន្តរាគមន៍ បង្ការ បង្ក្រាប និងកម្លាំងនគរបាលក្រុងបាត់ដំបង បានស្រាវជ្រាវនិងបង្ត្រាបករណីល្បែងស៊ីសង នេះ នៅសង្កាត់អូរចារ និងសង្កាត់ចំការសំរោង ក្រុងបាត់ដំបង រួចហើយដោយបានឃាត់ខ្លួនអ្នកប្រព្រឹត្ត និងបានធ្វើកិច្ចសន្យាជាលាយល័ក្ខអក្សរ ឱ្យឈប់បន្តសកម្មភាពទៀតផង៕ រក្សាសិទ្ធិដោយ៖បញ្ញាស័ក្តិ