បាត់ដំបង៖ ដោយសារមានទំនាស់ជាមួយប្រពន្ធរឿងទៅធ្វើការនៅប្រទេសថៃ បុរសជាប្តីបានច្របាច់កប្រពន្ធសន្លប់ ដោយខ្លួនស្មានថាប្រពន្ធស្លាប់ ទើបរត់ទៅចងកសម្លាប់ខ្លួនបានសម្រេច។
ហេតុការណ៍ចងកធ្វើអត្តឃាត នៅថ្ងៃពុធ ទី២១ ខែកុម្ភៈ ឆ្នាំ២០១៨ វេលាម៉ោង ១៤ នៅចំណុចភូមិជាមន្ត្រី ឃុំត្រែង ស្រុករតនមណ្ឌល ខេត្តបាត់ដំបង ។
អត្តឃាតចងករសម្លាប់ខ្លួនឈ្មោះ យ៉ង ប៊ុនធឿន អាយុ ៤២ឆ្នាំ រស់នៅភូមិ.ឃុំកើតហេតុខាងលើ។ ប្រភពពីសមត្ថកិច្ចបានបញ្ជាក់ឲ្យដឹងថា បុរសរូបនោះបានបបួលប្រពន្ធទៅធ្វើការនៅប្រទេសថៃ ប៉ុន្តែប្រពន្ធបានប្រាប់ថា ចាំថ្ងៃទី២៥ បានទៅ ក៏ទះកំផ្លៀងប្រពន្ធ រួចច្របាច់កប្រពន្ធ រហូតដល់សន្លប់បាត់ស្មារតី។ ដោយខ្លួនស្មានថាប្រពន្ធស្លាប់ ទើបភ័យខ្លួនរត់ទៅចងកសម្លាប់ខ្លួន។
ដោយឆ្លងតាមការចុះត្រួតពិនិត្យនៅកន្លែងកើតហេតុ និងសាកសពឈ្មោះ យ៉ង ប៊ុនធឿន សមត្ថកិច្ចអាចសន្និដ្ឋានបានថា ពិតជាចងកសម្លាប់ខ្លួនស្លាប់ពិតប្រាកដមែន៕ ដោយ៖បញ្ញាស័ក្តិ