ត្រឹមពេលផ្សារបិទថ្ងៃម្សិលមិញនេះ ភាគហ៊ុន GTI បានកើនឡើងប្រមាណ៩,៤% ដែលស្មើនឹង៣១០រៀល រហូតដល់៣.៦០០រៀល។
ភាគហ៊ុនបីផ្សេងទៀត ដែលរួមមាន រដ្ឋាករទឹកស្វយ័តក្រុងភ្នំពេញ តំបន់សេដ្ឋកិច្ចពិសេសភ្នំពេញ និង ផេសថិកក៏បានកើនឡើងផងដែរ មកដល់ ៦.១០០រៀល ១.១៧០រៀល និង២.៨០០រៀលរៀងគ្នា ដែលមានចន្លោះកំណើនពី១០រៀល ទៅ១២០រៀល។
ផ្ទុយទៅវិញ ភាគហ៊ុន កំពង់ផែស្វយ័តក្រុងភ្នំពេញ បានធ្លាក់ចុះ៨០រៀល មកត្រឹម១១.៧០០រៀល។ ដោយឡែក ភាគហ៊ុនពីរផ្សេងទៀត កំពង់ផែស្វយ័តព្រះសីហនុ និងអេស៊ីលីដា បានរក្សាថ្លៃថេរដដែលត្រឹម១៣.៩០០រៀល និង១៦.៧០០រៀល។ សន្ទស្សន៍ផ.ម.ក. បានងើបឡើង០,២៤% វិញ មកដល់៦៣៥,៣៧ ពិន្ទុ។ ទំហំជួញដូរភាគហ៊ុនសរុបមានចំនួន ១៤៦,៨៦ លានរៀល៕ រក្សាសិទ្ធិដោយ ៖ CEN
