ភ្នំពេញ ៖ មានករណីលោតឆត្រ ខុសបច្ចេកទេស បណ្ដាលឲ្យនាយទាហាន២នាក់ ធ្លាក់រងរបួសធ្ងន់ នៅម៉ោង13និង20នាទី ថ្ងៃទី 14 មករា 2021 , បញ្ជាការដ្ឋានទ័ពពិសេស ផ្សាយព័ត៌មានថា កម្មវិធីលោតឆត្រព្រឹកមិញ ពិតជាមានអ្នកគ្រោះថ្នាក់ពិតប្រាកដមែន តែអ្នករងគ្រោះពេលនេះ កំពុងតែចូលបន្ទប់សង្គ្រោះបន្ទាន់ សូមបងប្អូនកុំជ្រួលច្របល់ ក្រុមការងារយើងមិនទាន់បានព័ត៌មានជាក់លាក់ទេ។
បើតាមការផ្សាយរបស់ផេកហ្វេសប៊ុករបស់បញ្ជាការដ្ឋានទ័ពពិសេស នារសៀលថ្ងៃទី១៤ ខែមករា ឆ្នាំ២០២១ បានឲ្យដឹងថា
“សូមជំរាបជូន ឯកឧត្តម ឈុំ សុជាតិ និងបងប្អូនក្នុងបណ្តាញសង្គម FACEBOOK ទាំងអស់ឲ្យបានជ្រាបថា កម្មវិធីលោតឆត្រព្រឹកមិញ ពិតជាមានអ្នកគ្រោះថ្នាក់ពិតប្រាកដមែន តែអ្នករងគ្រោះពេលនេះកំពុងតែចូលបន្ទប់សង្គ្រោះបន្ទាន់ សូមបងប្អូនកុំជ្រួលច្របល់ក្រុមការងារយើងមិនទាន់បានព័ត៌មានជាក់លាក់ទេ សូមអរគុណ”។
ហេតុការណ៍ នេះកើតឡើងក្នុងការបិទវគ្គហ្វឹកហ្វឺនជំនាញកុម្ម៉ង់ដូ ជំនាន់ទី១០ វគ្គហ្វឹកហ្វឺនជំនាញឆត្រយោងជំនាន់ទី២៩ និង បើកវគ្គហ្វឹកហ្វឺនជំនាញឆត្រយោង ជំនាន់ទី៣០ នៅសាលាហ្វឹកហ្វឺនទ័ពពិសេស តេជោសែនឱរ៉ាល់ ខេត្តកំពង់ស្ពឺ ។មូលហេតុ នៃការធ្លាក់នេះ គឺ ដោយសារពេលលោតឆត្រយោង ទាក់ខ្សែគ្នា ទើបបធ្លាក់មកដីតែម្តង៕ រក្សាសិទ្ធិដោយ៖ លឹម ហុង និងបញ្ញាស័ក្តិ
