សម្រាប់រយៈពេលមួយឆ្នាំដែលគេរំពឹងថានឹងក្លាយជាចំណុចរបត់ថ្មីមួយសម្រាប់ក្រុមហ៊ុនអាកាសចរណ៍អឺរ៉ុប ដែលកំពុងញុំាញីដោយសារជំងឺរាតត្បាតសកលកូវីដ១៩ ឆ្នាំ២០២១ ក៏ជាឆ្នាំចាប់ផ្តើមដ៏លំបាកមួយដែរ។
នាយកប្រតិបត្តិអាកាសចរណ៍និងអ្នកវិភាគបាននិយាយថា ការដាក់ចេញជាថ្មីនូវការបិទប្រទេសដើម្បីទប់ស្កាត់នូវការរីករាលដាលវីរុសកូវីដ១៩ បានធ្វើឲ្យការកក់សំបុត្រយន្តហោះឡើងវិញត្រូវបានលុបចោល ក្រុមហ៊ុនអាកាសចរណ៍សង្ឃឹមថា វត្តមានវ៉ាក់សាំងដើម្បីទប់ទល់នឹងវិបត្តិដ៏អាក្រក់បំផុតនេះនិងបង្កើតជាដំណាក់កាលមួយសម្រាប់ការស្ទុះងើបឡើងវិញនៅរដូវក្តៅ។
ការផ្ទុះឡើងជាថ្មីនៃវីរុសកូវីដ១៩ និងការរឹតត្បិតការធ្វើដំណើរ – ខ្លះត្រូវបានគេរៀបចំឡើងដើម្បីទប់ស្កាត់នៃការរីករាលដាលនៃវីរុសកូវីដ១៩ ដែលបានឆ្លងរហ័សជាពិសេសនៅក្នុងប្រទេសអង់គ្លេស ដែលបានវាយប្រហារដល់ការកក់សំបុត្រទុកមុន ដែលជាធម្មតាក្រុមហ៊ុនអាកាសចរណ៍ពឹងផ្អែកលើការនាំយកសាច់ប្រាក់សំខាន់ៗក្នុងអំឡុងខែរដូវរងារនេះ។
អង្គការអាកាសចរណ៍ពិភពលោក IATA ជឿជាក់ថា ការវិលត្រឡប់ទៅរកលំហូរសាច់ប្រាក់វិជ្ជមាន “ប្រហែលជាមិនអាចកើតមានឡើយមុនដំណាច់ឆ្នាំនេះ” ។ លោក Brian Pearceប្រធានសេដ្ឋវិទូ បានថ្លែងនៅក្នុងសន្និសីទអនឡាញកាលពីថ្ងៃពុធថា“ ទន្ទឹមនឹងនេះការខាតបង់នឹងនៅតែបន្ត” ហើយអាចនឹងកើនឡើងនៅអឺរ៉ុប។
លោកបានបន្ថែមថាក្រុមហ៊ុនដឹកជញ្ជូនមួយចំនួនប្រហែលជាអស់លុយហើយ។ សម្រាប់ក្រុមហ៊ុនអាកាសចរណ៍ដែលទទួលបានជំនួយដូចជា Air France-KLM និង Lufthansa ការធ្លាក់ចុះកាន់តែយូរ នឹងកើនឡើងទាំងបំណុល ហើយលទ្ធភាពចាំបាច់នឹងមានការគាំទ្របន្ថែមទៀត។
អឺរ៉ុបប្រឈមមុខនឹងការធ្លាក់ចុះដ៏អាក្រក់បំផុត – ទោះបីការកក់សំបុត្រក្នុងស្រុកចិននិងរុស្ស៊ីក៏ត្រូវបានចុះខ្សោយដោយសារការរឹតត្បិតថ្មី។
លោក Olivier Ponti អ្នកជំនាញខាងទិន្នន័យអាកាសចរណ៍និយាយថា ការកក់សំបុត្រយន្តហោះចូលអឺរ៉ុបនៅឆមាសទីមួយមានចំនួន ២២ ភាគរយនៃកម្រិតកាលពី ១២ ខែមុន។ ចំនួននេះប្រៀបធៀបជាមួយការកក់ក្នុងស្រុករបស់សហរដ្ឋអាមេរិកចំនួន ៣៦ ភាគរយនិង ៤៨ ភាគរយសម្រាប់ការហោះហើរនៅក្នុងប្រទេសចិន។
ក្រុមហ៊ុនអាកាសចរណ៍បានឆ្លើយតបដោយលុបចោលសេវាកម្មបន្ថែមទៀត។ ក្រុមហ៊ុនអាកាសចរណ៍តម្លៃទាប Wizz Air ដែលបានពង្រីកជើងហោះហើរនិងបណ្តាញរបស់ខ្លួនក្នុងអំឡុងពេលមានវិបត្តិកំពុងផ្អាកផ្លូវភាគច្រើននៅចក្រភពអង់គ្លេស និងឃើញថាសមត្ថភាពខែមករាធ្លាក់ចុះ ៧៥ ភាគរយ។
នាយកប្រតិបត្តិលោក Jozsef Varadi បានប្រាប់រ៉យទ័រថា“ ការបិទប្រទេសនេះធ្វើឱ្យមានតំរូវការហើយយើងកំពុងកែសំរួលសមត្ថភាពយោងទៅតាមតំរូវការ។ វានឹងក្លាយជាត្រីមាសដ៏លំបាកមួយ៕
ប្រភព៖ រ៉យទ័រ
រក្សាសិទ្ធិដោយ៖CEN
