ឆ្នាំជូត
កណ្តុរនាំលាភឧកញ៉ាចិញ្ចឹមមានសំណាងឈ្នះអស់មាសត្រូវហើយបើប្រាថ្នាអ្វីនោះគឺតែងបានសម្រេចនិងអនាគតបានក្លាយជាសេដ្ឋីគហិបតីឬក៏អភិជនជាន់ខ្ពស់។
-ម៉ោងនៃលាភសំណាងគឺម៉ោង៥ព្រឹកដល់ម៉ោង៦ល្ងាច។
-ពណ៌នៃលាភសំណាងគឺពណ៌ស និងពណ៌ផ្កាឈូក។
-លេខនៃលាភសំណាងគឺលេខ២១និង៨២។
-សូមខមិនលេខ៦៦៦ យកលាភសម្បត្តិទេវតាទ្រព្យនៅក្នុងថ្ងៃនេះនឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំជូត ។ នៅថ្ងៃនេះដំណើរជីវិតល្អប្រសើរម្ល៉ោះហើយធ្វើអ្វីក៏មានភាពស្រស់ស្រាយនិងមានការជឿនលឿនគួរសមផង សម្រាប់បញ្ហាការងារនិងបញ្ហាប្រាក់កាក់ក៏រំសាយនូវភាពតានតឹងនិងមានជោគលាភច្រើនចូលមកវិញជានិច្ច។ សម្រាប់អ្នកប្រកបមុខរបររកស៊ីជួញដូរវិញមានភាពកាក់កបគួរសមទាំងទីជិតឆ្ងាយដោយអាចប្រមូលផលចំណូលមកផ្ទះវិញដូចគោលបំណង។ ចំពោះការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកម្លោះក្រមុំ ឬពោះម៉ាយមេម៉ាយក្តីបើលោកអ្នកគិតថាសេចក្តីស្នេហាមានលំនឹងហើយអាចរៀបចំផ្សំផ្គុំគ្រួសារក៏ជាឱកាសល្អប្រពៃបំផុត៕
ឆ្នាំឆ្លូវ
គោនាំលាភនាំជ័យនាំសុភមង្គលប្រាថ្នាអ្វីតែងបានសម្រេច ហើយអនាគតក្លាយជាអ្នកមានទ្រព្យស្តុកស្តម្ភ។
-ម៉ោងនៃលាភសំណាងគឺម៉ោង៥ព្រឹកដល់ម៉ោង៨យប់។
-ពណ៌នៃលាភសំណាងគឺពណ៌សនិងលឿង។
-លេខនៃលាភសំណាងគឺលេខ៤៨និងលេខ៥៩។
-សូមខមិនលេខ៦៩៩ យកលាភសម្បត្តិគហិបតីជាន់ខ្ពស់និងលុយស្តុកស្តម្ភ។
ចំពោះអស់លោកអ្នកដែលកើតឆ្នាំឆ្លូវ។ រាសីខ្ពស់ត្រដែត ក្នុងថ្ងៃនេះបើលោកអ្នកចង់ធ្វើការផ្លាស់ប្តូរអ្វីតែងផ្តល់ផលល្អនិងផ្លែផ្កា តែងឆ្លើយតបមកវិញគ្រាន់គាប់ប្រសើរផង។ ការប្រកបការងារនៅថ្ងៃនេះវិញឃើញមានការចម្រើនលូតលាស់ទៅមុខគួរសមហើយធ្វើច្រើនទទួលបានផលច្រើនទៀតផង។ សម្រាប់បើជាអ្នកប្រកបរបររកស៊ីជួញដូរវិញបើមានការប្រឹងប្រែងឆ្វេងស្តាំមិនបង់កម្លាំងឡើយតែងហុចផ្លែផ្កាមិកវិញគ្រាន់ជាទីគាប់ចិត្ត។ ចំពោះបញ្ហាស្នេហាប្រុសស្រីមានភាពផ្អែមល្ហែមប្រពៃណាស់ផង៕
ឆ្នាំខាល
ខ្លានាំលាភឧបរាជចិញ្ចឹមមានលាភមានជ័យណាស់ មានមនុស្សម្នាជាច្រើននាំគ្នាស្រឡាញ់រាប់អានសាទរ។
-ម៉ោងនៃលាភសំណាងគឺម៉ោង៥ព្រឹកដល់ម៉ោង៦ល្ងាច។
-ពណ៌នៃលាភសំណាងគឺពណ៌សនិងខ្មៅ។
-លេខនៃលាភសំណាងគឺលេខ ១និងលេខ៦៩។
-សូមខមិនលេខ១១១ យកលាភសម្បត្តិអភិជន។
ចំពោះអស់លោកអ្នកដែលកើតឆ្នាំខាល។ រាសីខ្ពស់ត្រដែត លោកអ្នកត្រូវបានអ្នកធំជឿទុកចិត្តនិងផ្តល់ការសរសើរបានសុខក្រៃពេក ប៉ុន្តែក្នុងនោះក៏មានមនុស្សសព្វទ្រព្យឬក៏មនុស្សចូលចិត្តប្រើអំណាចរំលោភមើលងាយលោកអ្នកខ្លះដែរ តែមិនជាអ្វីនោះទេ។ បើជាអ្នកប្រកបមុខរបររកស៊ីជួញដូរវិញប្រាក់ចំណេញបានមកសមស្របទៅនឹងដើមទុនដែលបានដាក់ចេញផង។ រីឯបញ្ហាស្នេហាគូស្នេហ៍ស្រុះស្រួលចិត្តគ្នាល្អណាស់៕
ឆ្នាំថោះ
ទន្សាយមាស មន្ត្រីចិញ្ចឹមនាំលាភនាំជ័យ នាំសុភមង្គល ហើយបើប្រាថ្នាអ្វីនោះគឺតែងបានសម្រេចជានិច្ច ។
-ម៉ោងនៃលាភសំណាងគឺម៉ោង៤ព្រឹកដល់ម៉ោង៩យប់។
-ពណ៌នៃលាភសំណាងគឺពណ៌ខ្មៅនិងស។
-លេខនៃលាភសំណាង ៖៦៩និងលេខ៩៩។
-សូមខមិនលេខ ៩៩៩ យកលាភសម្បត្តិមហាសេដ្ឋី។
ចំពោះអស់លោកអ្នកដែលកើតឆ្នាំថោះ។ រាសីខ្ពស់ត្រដែត នៅថ្ងៃនេះដំណើរជីវិតរបស់លោកអ្នកល្អប្រសើរ ម្ល៉ោះហើយផ្តល់ផលល្អក្នុងការចាប់កាន់កិច្ចការអ្វីមួយដែលថ្មីឬសម្រេចចិត្តធ្វើអ្វីមួយផង។ សម្រាប់បើលោកអ្នកជួបបញ្ហាត្រូវរែកពន់ការលំបាកខ្លះពេលនេះបានធូរស្បើយហើយ ពិសេសអាចមានក្រុមមនុស្សចង្អុលបង្ហាញផ្លូវដែលងាយស្រួលក្នុងការដោះស្រាយទៀតផង ។ បើជាអ្នកប្រកបរបររកស៊ីជួញដូរវិញលោកអ្នកមិនត្រូវមានចិត្តលោភលន់ហួសប្រមាណហើយមិនត្រូវមានការរំលោភបំពានលើអ្នកដទៃទេ ប្រយ័ត្នឥតការអីសោះនាំរឿងអំពល់ទុក្ខខ្លួនឯង។ រីឯបញ្ហាស្នេហារមែងមានការអធ្យាស្រ័យរវាងគ្នានិងគ្នា៕
ឆ្នាំរោង
ពស់នាគរាជមានបារមីមានតេជះមានអំណាចមានមនុស្សជួយជ្រោមជ្រែងការងារតូចធំដើម្បីឲ្យអនាគតអ្នកបានក្លាយជាមនុស្សមានសម្បត្តិមហាសាល។
-ម៉ោងនៃលាភសំណាងគឺម៉ោង៧ព្រឹកដល់ម៉ោង៧ល្ងាច។
-ពណ៌នៃលាភសំណាងគឺពណ៌សនិងទឹកក្រូច។
-លេខនៃលាភសំណាងគឺលេខ៧៧និងលេខ៨៩។
-សូមខមិនលេខ៧៨៩ យកលាភសម្បត្តិអ្នកមានជាន់ខ្ពស់។
លោកអ្នកដែលកើតឆ្នាំរោង។ ការងារនៅថ្ងៃនេះមានសម្ពាធបន្តិចប៉ុន្តែជាកម្លាំងជំរុញអោយលោកអ្នកមានការតាំងចិត្តបន្ថែមទៀតហើយកុំដោយសារតែភាពឆេវឆាវមួយពេលធ្វើឲ្យគ្រប់យ៉ាងប្រែជាលំបាកលើសដើម ត្រូវប្រឹងប្រែងទប់អារម្មណ៍ហើយព្យាយាមដោះស្រាយដោយត្រជាក់។ ចំណែកបញ្ហាលុយកាក់វិញកុំបង្អួតភាពមានបាននាំអោយមនុស្សអាក្រក់កើតមានក្តីច្រណែនឈ្នានីស។ សម្រាប់អ្នកប្រកបមុខរបររកស៊ីជួញដូរវិញ បើមានគេមកបបួលអោយចុះទុនរកស៊ីអ្វីមួយផងគួរចាំបាច់ត្រូវអត់ធ្មត់និងគិតគូរអោយបានហ្មត់ចត់សិនចៀសវាងមិនបានទាំងប្រាក់ចំណេញផង ហើយអស់ទាំងប្រាក់ដើមទៀត។ រីឯបញ្ហាស្នេហាមានការយល់ច្រឡំកើតឡើងដូច្នេះត្រូវរក្សាភាពនឹងនរ។ សុខភាពគួរព្យាយាមហាត់ប្រាណដើម្បីការពារប្រព័ន្ធការពាររាងកាយ។ ទិសនាំលាភគឺទិសខាងជើង ប្រយ័ត្នទិសខាងលិច៕
ឆ្នាំម្សាញ់
ពស់នាំលាភនាំជ័យនាំសុមង្គល ហើយបើប្រាថ្នាអ្វីគឺតែងបានសម្រេច និងអនាគតក្លាយជាអ្នកមានទ្រព្យស្តុកស្តម្ភ។
-ម៉ោងនៃលាភសំណាងគឺម៉ោង៨ព្រឹកដល់ម៉ោង១០យប់។
-ពណ៌នៃលាភសំណាងគឺពណ៌ប្រផេះនិងបៃតង។
-លេខនៃលាភសំណាងគឺលេខ២០និងលេខ៦៦ ។
-សូមខមិនលេខ១២៣ យកលាភសម្បត្តិមហាសេដ្ឋី ឧកញ៉ា។
អស់លោកអ្នកដែលកើតឆ្នាំម្សាញ់។ រាសីឡើងខ្ពស់ គ្រប់សកម្មភាពការងាររបស់លោកអ្នកនៅក្នុងថ្ងៃនេះមានសភាពល្អប្រសើរអាចអោយលោកអ្នកដណ្តើមបានស្នាដៃដ៏ធំធេងគ្មានអ្វីមានរារាំងបានឡើយ។ បើជាអ្នកប្រកបមុខរបររកស៊ីជួញដូរវិញ មានការរីកចម្រើនត្រជាក់ត្រជុំប្រសើរពេកក្រៃ។ ចំណែកឯការធ្វើដំណើរជិតឆ្ងាយជួបភាពសុខដុមដូចសព្វមួយដង។ ចំណែកបញ្ហាស្នេហាលោកអ្នកអាចបានជួបនឹងគូស្នេហ៍មានរូបសម្រស់ស្រស់ស្អាតនិងលក្ខណៈសម្បត្តិដ៏វិសេសវិសាលបើមិនទាន់រៀបការ៕
ឆ្នាំមមី
សេះទេវតាចិញ្ចឹមមានលាភមានជ័យមានមនុស្សម្នាជាច្រើននាំគ្នាស្រឡាញ់រាប់អានសាទរ។
-ម៉ោងនៃលាភសំណាងគឺម៉ោង៦ព្រឹកដល់ម៉ោង៨យប់។
-ពណ៌នៃលាភសំណាងគឺពណ៌ខ្មៅនិងស្វាយ។
-លេខនៃលាភសំណាងគឺលេខ១៩ និងលេខ២៩ ។
-សូមខមិនលេខ ៨៩៩ យកលាភសម្បត្តិទេវតាមាសប្រាក់កែវកង។
ចំពោះអស់លោកអ្នកដែលកើតឆ្នាំមមី។ រាសីល្អបង្គួរ រាល់កិច្ចការងារសព្វសារពើរបស់លោកអ្នកមានការចម្រើនលូតលាស់ទៅមុខ ប៉ុន្តែទោះបីជាយ៉ាងណាក៏ដោយលោកអ្នកគួរមានការប្រុងប្រយ័ត្នក្នុងការឯកភាពតាមមតិអ្នកផ្សេង ព្រោះប្រសិនបើមានការភ្លាំងប្រភ្លាត់តែបន្តិចនោះអាចនឹងខូចខាតប្រយោជន៍ច្រើន។ បើលោកអ្នកប្រកបរបររកស៊ីជួញដូរវិញមានការលូតលាស់ទៅមុខសន្សឹមៗ។ ចំពោះគូស្នេហ៍ច្រើនយល់ចិត្តគ្នាទៅវិញទៅមក៕
ឆ្នាំមមែ
ពពែមាសមន្ត្រីចិញ្ចឹមធ្វើកិច្ចការអ្វីមួយអ្នកតែងមានគំនិតជ្រះថ្លា ហើយបើប្រាថ្នាអ្វីមួយគឺតែងបានសម្រេចជានិច្ច។
-ម៉ោងនៃលាភសំណាងគឺម៉ោង៤ព្រឹកដល់ម៉ោង៧យប់។
-ពណ៌នៃលាភសំណាងគឺពណ៌បៃតងនិងក្រហម។
-លេខនៃលាភសំណាងគឺលេខ ៧៧និងលេខ៩៩។
-សូមខមិនលេខ៥៥៥ យកលាភសម្បត្តិសំពៅហ្មួង ។
ចំពោះអស់លោកអ្នកដែលកើតឆ្នាំមមែ។ រាសីល្អបង្គួរ រាល់ការបំពេញការងារមានសភាពរលូនទៅមុខដូចសព្វដង ប៉ុន្តែក្នុងនោះក៏ទាមទារអោយលោកអ្នកមានការប្រឹងប្រែងខ្លះដែរ ដើម្បីសម្រេចអោយដល់គោលដៅដែលលោកអ្នកចង់បាន។ បើជាអ្នកប្រកបមុខរបររកស៊ីជួញដូរវិញប្រាក់កម្រៃបានមកកាក់កបគ្រាន់បើអាចអោយលោកអ្នកសន្សំទុកបានខ្លះៗ។ រីឯបញ្ហាស្នេហាការចេះយល់ចិត្តគ្នាគឺជាវិធីដ៏ល្អប្រសើរបំផុត៕
ឆ្នាំវក
ស្វាសេដ្ឋីចិញ្ចឹមមានប្រាជ្ញាឈ្លាសវៃ មានគំនិតភ្លឺថ្លាហើយអនាគតក្លាយជាអ្នកមានទ្រព្យស្តុកស្តម្ភ ។
-ម៉ោងនៃលាភសំណាងគឺម៉ោង៦ព្រឹកដល់ម៉ោង៦ល្ងាច។
-ពណ៌នៃលាភសំណាងគឺពណ៌សនិងក្រហម។
-លេខនៃលាភសំណាងគឺ ១១និងលេខ៦១។
-សូមខមិនលេខ៦៦៦ យកលាភសម្បត្តិគហិបតីជាន់ខ្ពស់ ។
ចំពោះអស់លោកអ្នកដែលកើតឆ្នាំវក។ រាសីល្អជាមធ្យម លោកអ្នកច្រើនធ្លោយគំនិតគិតទៅលើរឿងដែលមិនត្រូវគិត ហើយអាចនឹងមានការរង្កៀសចិត្តបន្តិចបន្តួចជាមួយមិត្តរួមការងារទៀតផង។ បើជាអ្នកប្រកបមុខរបររកស៊ីជួញដូរវិញទោះបីខំប្រឹងប្រែងយ៉ាងណាក្តីក៏រកប្រាក់ចំណេញមិនសូវបានច្រើនប៉ុន្មានដែរ ជាមួយនេះអាចនឹងចូលដើមទៀតផង បើលោកអ្នកជាស្ត្រីវិញនៅថ្ងៃនេះលោកអ្នកតោងតែមានការប្រយ័ត្នប្រយែងបន្តិចពីព្រោះថាផលអាក្រក់ក៏ងាយកើតឡើងណាស់ដែរ។ ចំណែកសម្ព័ន្ធស្នេហាគូស្នេហ៍ច្រើនតែប្រចែប្រច័ណ្ឌដោយពុំមានហេតុផលអ្វីត្រឹមត្រូវឡើយ៕
ឆ្នាំរកា
មាន់មានបារមីតេជះ មានអំណាចមានមនុស្សជួយជ្រោមជ្រែងការងារតូចធំដើម្បីឲ្យអនាគតបានក្លាយជាមនុស្សមានសម្បត្តិមហាសាល។
-ម៉ោងនៃលាភសំណាងគឺម៉ោង៥ព្រឹកដល់ម៉ោង៦ល្ងាច។
-ពណ៌នៃលាភសំណាងគឺពណ៌សនិងផ្កាឈូក។
-លេខនៃលាភសំណាងគឺលេខ ២១និងលេខ ៨២ ។
-សូមខមិនលេខ៥៥៥ យកលាភសម្បត្តិអភិជន។
ចំពោះអស់លោកអ្នកដែលកើតឆ្នាំរកា។ រាសីល្អជាមធ្យម លោកអ្នកអាចនឹងត្រូវមនុស្សចម្លែកភេទផ្ទុយគ្នាមកបញ្ចុះបញ្ចូលចិត្តអោយដើរទៅរកផ្លូវមិនល្អហេតុនេះបើសិនជាមានមែននោះចូរកុំរវីរវល់ជាមួយអោយសោះពីព្រោះអាចអោយមានក្តីវិនាសដល់ខ្លួនបាន។ បើលោកអ្នកជាអ្នកប្រកបមុខរបរកស៊ីជួញដូរវិញទោះបីជាចេញទៅជួញដូរមិនថាទីជិតឆ្ងាយទទួលបានផលល្អមកវិញផង។ ការធ្វើដំណើរទីជិតឆ្ងាយជួបតែសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯសេចក្តីស្នេហាកម្លោះក្រមុំមានបញ្ហាចូលលុកលុយយាយីច្រើនបន្តិចដូចនេះប្រយ័ត្នកើតជម្លោះវិវាទណាមួយឈានដល់ប្រេះឆាផ្សះផ្សាលែងកើត៕
ឆ្នាំច
សុនកនាំលាភជួបតែរឿងល្អៗក្នុងជីវិតមានលាភសំណាងជួបតែមនុស្សជួយជ្រោមជ្រែងសម្រេចរាល់ក្តីបំណង។
-ម៉ោងនៃលាភសំណាង គឺម៉ោង៥ព្រឹកដល់ម៉ោង៩យប់។
-ពណ៌នៃលាភសំណាងសនិងខ្មៅ។
-លេខនៃលាភសំណាងគឺលេខ៦៩ និងលេខ៩៩។
-សូមខមិនលេខ៦៦៦ យកសម្បត្តិគហិបតីជាន់ខ្ពស់។
ចំពោះអស់លោកអ្នកដែលកើតឆ្នាំច។ រាសីឡើងខ្ពស់ លោកអ្នកឈានចូលមកដល់ថ្ងៃនេះនិងបានរួចចាកផុតពីសេចក្តីសៅហ្មងទាំងឡាយដែលធ្លាប់កើតមានពីពេលមុនមក ហើយខណៈពេលនេះដែរលាភសំណាងរបស់លោកអ្នកក៏នឹងកើតមានឡើងវិញ ដែលធ្វើឲ្យលោកអ្នករីករាយ។ បើជាអ្នកប្រកបមុខរបររកស៊ីជួញដូរវិញ ទោះការជួញទីជិតឆ្ងាយតែមានផលកម្រៃហូរចូលមួយៗគ្រាន់ចិញ្ចឹមឆ្នាំងបាយអញ្ចឹងដែរ។ រីឯបញ្ហាស្នេហាប្រុសស្រីមានភាពស្រុះស្រួលគ្នានិងផ្អែមល្ហែមប្រពៃណាស់៕
ឆ្នាំកុរ
ជ្រូកនាំលាភនាំជ័យនាំសុមង្គលបើប្រាថ្នាអ្វីគឺតែងបានសម្រេច ហើយអនាគតក្លាយជាអ្នកមានយសស័ក្តិខ្ពង់ខ្ពស់។
-ម៉ោងនៃលាភសំណាងគឺម៉ោង៥ព្រឹកដល់ម៉ោង៨យប់។
-ពណ៌នៃលាភសំណាងគឺពណ៌លឿងនិងស។
-លេខនៃលាភសំណាងគឺលេខ៤៨និងលេខ៥៩ ។
-សូមខមិនលេខ៩៩៩ យកលាភសម្បត្តិមហាសេដ្ឋី។
ចំពោះអស់លោកអ្នកកើតឆ្នាំកុរ។ រាសីល្អបង្គួរ លោកអ្នកអាចមានឱកាសល្អច្រើនក្នុងការបំពេញការងារពេញដៃពេញជើង ប៉ុន្តែក៏មានគូប្រជែងជាប់ជាប្រចាំផងដែរ ហេតុនេះមុននឹងប្រកបកិច្ចការងារអ្វីមួយចូរលោកអ្នកមានការប្រុងប្រយ័ត្នអោយបានម៉ឺងម៉ាត់បន្តិច។ បើជាអ្នកប្រកបមុខរបររកស៊ីជួញដូរវិញមានការលូតលាស់ទៅមុខដោយសន្សឹមៗមិនខាតបង់ទេ។ រីឯបញ្ហាស្នេហាកំលោះក្រមុំមានការឆាប់ប្រទាំងប្រទើសគ្នាបន្តិច ដូច្នេះចូរប្រយ័ត្នកើតជម្លោះវិវាទណាមួយឡើង៕
