ភ្នំពេញ៖ លោកជិន ម៉ាលីន អ្នកពាក្យក្រសួងយុត្តិធម៌ បានថ្លែងសារលើហ្វេសប៊ុកនៅថ្ងៃទី១៧មករានេះថា ៣សំណួរងាយៗ ឆ្លើយត្រូវបានរង្វាន់ពាក់ព័ន្ធ ទណ្ឌិត ជនល្មើស ឬជនដែលមានដីការបង្គាប់ឱ្យចាប់ខ្លួន កំពុងនៅក្រៅប្រទេសថាតើទូតអាចចេញទិដ្ឋាការឬលិខិតឆ្លងដែនជូនពួកគេទាំងនោះ បានដែរឬទេ?
អ្នកពាក្យក្រសួងយុត្តិធម៌ បាន បញ្ជាក់ថា ៣សំណួរងាយៗ ឆ្លើយត្រូវបានរង្វាន់៖
១. ផ្អែកតាមគោលការណ៍ច្បាប់អន្តរជាតិ តើទូតអាចចេញទិដ្ឋាការឬលិខិតឆ្លងដែនជូនទណ្ឌិត ជនល្មើស ឬជនដែលមានដីការបង្គាប់ឱ្យចាប់ខ្លួនបានដែរឬទេ? តើទូតមានភារកិច្ចត្រូវធ្វើអ្វីខ្លះចំពោះជនទាំងនេះ?
២. ពួកគេដឹងមុនយ៉ាងច្បាស់ហើយថា គ្មានទិដ្ឋាការ គេមិនឱ្យឡើងយន្តហោះទេ តើនៅខំប្រឹងមកធ្វើអ្វីទៀត? តើចង់បានអ្វីឱ្យពិតប្រាកដ?
៣. ប្រមូលលុយអ្នកគាំទ្របានរួចអស់ហើយ ដើម្បីធ្វើដំណើរមកស្រុកខ្មែរ តែហោះចុះហោះឡើង បាននៅត្រឹមតែអាមេរិក តើលុយនៅសល់យកទៅណា? តើត្រូវប្រគល់ជូនអ្នគាំទ្រវិញដែរឬទេ?
លោកថ្លែងថា” មីងខ្ញុំ សម្តែងលើកនេះដូចជាមិនសូវសមសោះ ហោះពីអាមេរិក មកដល់អាមេរិក ជាប់គាំងនៅអាមេរិក ត្រឡប់ទៅអាមេរិកវិញ សម្រេចសម្រួលនៅផ្ទះដ៏ដែល។ ប្រហែលមកពីអ្នកដឹកនាំរឿងលើកនេះអន់ពេកមើលទៅ ខំតែរង់ចាំ។ បើសម្តែងដូចកាលពីលើកមុនដូចជាទំនងជាង ហោះពីអាមេរិក មកដល់អាស៊ុ ជាប់គាំងនៅអាស៊ី ទើបត្រឡប់ទៅអាមេរិកវិញ”៕ រក្សាសិទ្ធិដោយ៖បញ្ញាស័ក្តិ
