ភ្នំពេញៈ ប្រមុខការទូតកម្ពុជា លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និង សហប្រតិបត្តិការអន្តរជាតិ បានប្រកាសដាក់ឱ្យអនុវត្តយុទ្ធសាស្ត្រការទូតសេដ្ឋកិច្ចឆ្នាំ២០២១-២០២៣ ។ ដោយប្រមុខការទូតបានអះអាងថា យុទ្ធសាស្ត្រការទូតសេដ្ឋកិច្ច ជាការងារធំមួយក្នុងចំណោមការងារធំៗទាំង៥ របស់ក្រសួងការបរទេស។ ការប្រកាសនេះ បានធ្វើឡើងនៅព្រឹកថ្ងៃទី១៨ ខែមករា ឆ្នាំ២០២១ នៅសណ្ឋាគារសូហ្វីតែលភ្នំពេញភូគីត្រា។
លោកឧបនាយករដ្ឋមន្ត្រី ប្រាក់ សុខុន បានមានប្រសាសន៍ថា ចំណុចស្តីពីការការងារបញ្ចូលសេដ្ឋកិច្ចឲ្យទៅជាសមាសភាពដ៏សំខាន់ និងខានពុំបាន ដែលការងារការទូតមានតាំងពីឆ្នាំដំបូង នៃការចូលមកកាន់តំណាងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិរបស់លោកមកម្ល៉េះ បន្ទាប់ពីបានប្រមូលធាតុចូល និងធាតុផ្សំ ល្មមគ្រប់គ្រាន់ស្តីពីសមាសភាពថ្មីមួយនេះហើយនោះ ក្រសួងការបរទេសបានប្រកាសជាផ្លូវវការជាលើកដំបូង ចាត់ទុកការងារការទូតសេដ្ឋកិច្ច ជាការងារធំមួយក្នុងចំណោមការងារធំៗទាំង៥ របស់ក្រសួងនៅពេលប្រារព្ធសន្និបាតប្រចាំឆ្នាំ នាដើមឆ្នាំ២០១៨ ។
លោកឧបនាយករដ្ឋមន្ត្រីបានបញ្ជាក់ថា គោលនយោបាយនេះ ត្រូវបានសម្តេចតេជោ ហ៊ុន សែន បនាយករដ្ឋមន្ត្រី គាំទ្រយ៉ាងពេញលេញ ដោយសម្តេចបានគូសបញ្ជាក់ថា ការទូតសេដ្ឋកកិច្ច គឺជាអាទិភាពមួយសម្រាប់គោលនយោបាយការបរទេសកម្ពុជា ដែលមានតួនាទីយ៉ាងសំខាន់នៅក្នុងការធ្វើពពីពិធកម្មប្រភពកំណើន និងដៃគូរសេដ្ឋកិច្ច និងពាណិជ្ជកម្ម។ ផ្នែកលើស្មារតីនេះ ក្រសួងបានចំណាយពេលជាង ២ឆ្នាំ ដើម្បីសម្រេចតាក់តែងឯកសារយុទ្ធសាស្ត្រដែលបានយកមកផ្សព្វផ្សាយនៅពេលនេះ។ ឯកសារយុទ្ធសាស្ត្រការទូតសេដ្ឋកិច្ចឆ្នាំ២០២១-២០២៣ ដែលបានរៀបចំឡើងនៅក្នុងកាលៈទេសៈដែលសកម្មភាពពិភពលោក ក៏ដូចជាកម្ពុជាកំពុងតែប្រឈមទៅនិងការគំរាមកំហែង ដ៏ធ្ងន់ធ្ងរបំផុតមិនធ្លាប់ជួបក្នុងរយៈពេលពីរបីទស្សវត្តចុងក្រោយនេះ។ ការគំរាមកំហែងនេះ បណ្តាលមកពីកត្តាគូបផ្សំគ្នាជាច្រើន។
ប្រមខុការទូតកម្ពុជាបន្តថា ការផ្ទុះនិងការរីករាលដាលនៃជំងឺកូវីដ១៩ បានធ្វើឲ្យពិភេះលោកទាំងមមូលរង្គោះរង្គើ កត្តាធម្មជាតិមួយនេះ មិនត្រឹមតែប៉ះពាល់ក្នុងវិស័យសុខាភិបាក្នុងកម្រិតមិនធ្លាប់មាន បណ្តាលឲ្យសេដ្ឋកិច្ចពិភពលោកទាំងមូលធ្លាប់ក្នុងវិបត្តិជ្រាលជ្រៅ ។ កូវីដ១៩ បានរុញឲ្យចង្វាក់ផ្គត់ផ្គង់តំបន់ និងពិភពលោករអាក់រអួល និងកាតើផ្តាច់ក្នុងកម្រិតធ្ងន់ធ្ងរ វិស័យទេសចរណ៍ធ្លាក់ចុះយ៉ាងគំហុក វិស័យដឹកជញ្ជូនពិសេសផ្លូវអាកាសគាំងដំណើរ៕ រក្សាសិទ្ធិដោយៈ ចេស្តារ