ភ្នំពេញៈ ធនាគារ ស្ថាបនាបានធ្វើកម្មវិធីចាប់រង្វាន់ ដើម្បីស្វែងរកអ្នកឈ្នះពីកម្មវិធី “ដាក់ប្រាក់បញ្ញើឈ្នះរង្វាន់” កាលពីព្រឹកថ្ងៃទី១៨ ខែមករា ឆ្នាំ២០២១ នៅធនាគារ ស្ថាបនា សាខាបឹងកេងកង ដោយមានការចាក់ផ្សាយបន្តផ្ទាល់តាមរយៈទំព័រហ្វេកប៊ុកផ្លូវការរបស់ ធនាគារ ស្ថាបនា ដោយមានការចូលរួមចាប់ផ្ទាល់ពី គណៈគ្រប់គ្រងជាន់ខ្ពស់របស់ ធនាគារ។
ដើម្បីធានានូវសុក្រឹតភាពជូនដល់អតិថិជន ការចាប់រង្វាន់នេះត្រូវបានធ្វើឡើងតាមរយៈប្រព័ន្ធអេឡិចត្រូនិចដែលឆ្លងកាត់ការពិនិត្យយ៉ាងហ្មត់ចត់បំផុត ដោយមានការបើកបង្ហាញជាសាធារណៈ និង តាមដានយកព័ត៌មានដោយផ្ទាល់ពីបណ្តាញសារព័ត៌មានធំៗក្នុងស្រុក។
កម្មវិធីនេះរៀបចំឡើងដើម្បីថ្លែងអំណរគុណដល់អតិថិជន ដែលតែងតែគាំទ្រផលិតផលនិងសេវាកម្មរបស់ធនាគារ ស្ថាបនា ដែលជាធនាគារឈានមុខក្នុងស្រុក ដោយក្នុងរយៈពេល៣ខែនៃកម្មវិធីនេះ យើង ទទួលបានការចូលរួមគាំទ្រពី សំណាក់អតិថិជនយ៉ាងច្រើនសន្ធឹកសន្ធាប់ ពីគ្រប់សាខាទូទាំងប្រទេសកម្ពុជា។
អតិថិជនដែលមានសំណាងឈ្នះរង្វាន់ក្នុងកម្មវិធី “ដាក់ប្រាក់បញ្ញើឈ្នះរង្វាន់” ពីធនាគារ ស្ថាបនា មានរហូតដល់២៥រូប ដែលរង្វាន់ទាំង២៥រួមមាន៖ រង្វាន់ធំគឺ រង្វាន់រថយន្ត Mazda 6 ចំនួន១រង្វាន់ គណនីសន្សំឆ្លាតវៃដែលមានទឹកប្រាក់ US$២.៥០០ចំនួន២រង្វាន់ និង គណនីសន្សំឆ្លាតវៃដែលមានទឹកប្រាក់ US$២៥០ចំនួន២២រង្វាន់។
សូមអបអរសាទដល់អតិថិជនមានសំណាងឈ្នះរង្វាន់ ទាំង២៥រង្វាន់៖
(សម្រាប់ព័ត៌មានបន្ថែមសូមចូលទៅកាន់៖ ទំព័រហ្វេសប៊ុកផ្លូវការរបស់ ធនាគារ ស្ថាបនា https://www.facebook.com/Sathapanabank )
លោក Takahiro Nakagawa (ណាកាហ្គាវ៉ា តាកាហ៊ីរ៉ុ អនុប្រធាននាយកប្រតិបត្តិ ធនាគារ ស្ថាបនា បានថ្លែងថា រយៈពេល៣ខែកន្លងមកនេះ ពួកយើងទទួលបានការគាំទ្រយ៉ាងច្រើនសន្ធឹកសន្ធាប់ ពីសំណាក់អតិថិជនតា មបណ្តាលសាខាជាងទាំង១៧០ទូទាំងប្រទេស។ កម្មវិធីនេះបង្កើតឡើង ដើម្បីថ្លែងអំណរគុណដល់អតិថិជន ដែលបានរួមដំណើរជាមួយពួកយើងតាំងពីដើមរហូតមក ដែលជាកត្តាធ្វើឱ្យធនាគារ ស្ថាបនា សម្រេចនូវ បេសកម្មជាធនាគារពាណិជ្ជឈានមុខគេមួយក្នុងប្រទេសកម្ពុជា។
លោកបន្តថា ដើម្បីធានានូវតម្លាភាព និងសុក្រឹតភាពមួយរយភាគរយ កម្មវិធីចាប់រង្វាន់នេះត្រូវបានធ្វើតាមប្រព័ន្ធអេឡិច ត្រូនិចដែលឆ្លងកាត់ការពិនិត្យយ៉ាងហ្មត់ចត់បំផុត។ ដោយសារបច្ចេកវិទ្យាដើរតួយ៉ាងសំខាន់ក្នុងជីវិតរស់នៅ សព្វថ្ងៃ ប្រព័ន្ធឌីជីថលបានធ្វើឱ្យការប្រាស្រ័យទាក់ទង និងសមត្ថភាពប្រកួតប្រជែងប្រកបដោយប្រសិទ្ធិភាព និងតម្លាភាព។ ហេតុនេះហើយលទ្ធផលអ្នកឈ្នះរង្វាន់ក្នុងថ្ងៃនេះមានការផ្សាយបន្តផ្ទាល់ក្នុងទំព័រហ្វេកប៊ុក ផ្លូវការរបស់ ធនាគារ ស្ថាបនា និងបើកបង្ហាញជាសាធារណៈ ដោយមានការតាមដានយកព័ត៌មានដោយ ផ្ទាល់ពីបណ្តាញសារព័ត៌មានធំៗក្នុងស្រុក។
ឆ្លៀតឱកាសនេះដែរ លោកសូមធ្វើការថ្លែងអំណរគុណយ៉ាងជ្រាលជ្រៅដល់អតិថិជនគ្រប់រូបដែលមានជំនឿ ជាក់លើធនាគារយើងខ្ញុំ ហើយយើងនឹងខិតខំប្រឹងបន្តក្នុងការក្លាយជាធនាគារដែលផ្តល់ទំនុកចិត្តបំផុតក្នុង ប្រទេសកម្ពុជា។ យើងប្តេជ្ញានឹងផ្តល់ជូននូវសេវាធនាគារដ៏ល្អ និងពេញលេញបំផុតដោយស្វែងរកដំណោះស្រាយចំពោះ បញ្ហាប្រឈម។ ពួកយើងត្រូវតែវិវឌ្ឍន៍ទៅមុខ។ ការខិតខំប្រឹងប្រែងឥតឈប់ឈររបស់ធនាគារស្ថាបនាដើម្បី ធ្វើទំនើបកម្ម លើ Sathapana Mobile បង្ហាញពីចក្ខុវិស័យដែលមើលឃើញឆ្ងាយនៃការឈានមុខគេនៅក្នុង ការចំណោមធនាគារឌីជីថលនៅកម្ពុជា។ ពួកយើងពិតជាមិនអាចឈរនៅទីនេះបានឡើយ ប្រសិនបើមិនមែនដោយសារអតិថិជនដែលតែងតែគាំទ្រជាថ្មីម្តងទៀត៕
រក្សាសិទ្ធិដោយៈ ចេស្តារ