ភ្នំពេញៈ ជនសង្ស័យដែលពាក់ព័ន្ធនឹងការបាញ់សម្លាប់ជនជាតិចិននៅខេត្តព្រះសីហនុ កាលពីព្រឹកថ្ងៃទី២១ ខែមករា ឆ្នាំ២០២១ ត្រូវបានចាប់ខ្លួនបានម្នាក់ហើយ និងនៅសល់បក្ខពួកមួយចំនួនទៀតសមត្ថកិច្ចកំពុងតែតាមចាប់ខ្លួន។
មន្ត្រីជាន់ខ្ពស់អគ្គស្នងការដ្ឋាននគរបាលជាតិ បានប្រាប់សារព័ត៌មាន CEN មុននេះបន្តិចថា សមត្ថកិច្ចបានចាប់ខ្លួនជនសង្ស័យបានម្នាក់ពាក់ព័ន្ធករណីឃាតកម្មបាញ់សម្លាប់ជនជាតិចិនកាលពីព្រឹកថ្ងៃទី២១ ខែមករា ឆ្នាំ២០២១ ពីសណ្ឋាគារ៧ជាន់ មកដល់មុខកាស៊ីណូ ជើវើសិន វត្តក្រោម។
ហើយសមត្ថកិច្ចបានបន្តតាមចាប់ខ្លួនជនសង្ស័យដែលពាក់ព័ន្ធមួយចំនួនទៀត។
របាយការណ៍បឋមបានបញ្ជាក់ថា ជនរងគ្រោះជាជនជាតិចិន ជិះរថយន្ដមួយគ្រឿង ម៉ាក Rang Rover ពណ៌ខ្មៅ ពាក់ផ្លាកលេខភ្នំពេញ2AL-9459។
លោកឧត្តមសេនីយ៍ទោ ជួន ណារិន្ទ ស្នងការដ្ឋាននគរបាលខេត្តព្រះសីហនុបានឲ្យដឹងថា បន្ជនសង្សយ័ដែលធ្វើសកម្មភាពបាញ់សម្លាប់ជនជាតិចិន បានជិះរថយន្ដម៉ាក Ford Ranger Rapter ពណ៌ខ្មៅ ពាក់ផ្លាកលេខភ្នំពេញ 2BI-1413។ បន្ទាប់ពីធ្វើសកម្មភាពរួចបានយករថយន្ត ទៅទុកផ្លុងចោលនៅជិតផ្សារដំរី៥ ហើយរត់គេចខ្លួនបាត់៕ រក្សាសិទ្ធិដោយៈ ចេស្តារ
