ភ្នំពេញៈ មនុស្សចំនួន ១២២បានស្លាប់ និងរបួសចំនួន ៣១៧នាក់ ក្នុងនោះធ្ងន់ចំនួន ១៩៦នាក់នៅក្នុងគ្រោះថ្នាក់ចរាចរណ៍ទូទាំងប្រទេស រយៈពេល ២៤ថ្ងៃ ចាប់ពីថ្ងៃទី១ ដល់ថ្ងៃទី២៤ ខែមករា ឆ្នាំ២០២១។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ ដែលសារព័ត៌មាន CEN ទទួលបាននៅព្រឹកថ្ងៃទី២៥ ខែមករា ឆ្នាំ២០២១។
របាយការណ៍បានបន្តថា សម្រាប់គ្រោះថ្នាក់ចរាចរណ៍នៅថ្ងៃទី២៤ ខែមករា ឆ្នាំ២០២១ បានកើតឡើងចំនួន ៩លើក ស្លាប់ ៦នាក់ របួសចំនួន ៥នាក់ ក្នុងនោះរបួសស្រាល ២នាក់ និងធ្ងន់ចំនួន ៣នាក់។
របាយការណ៍ដដែលបានឲ្យដឹងទៀតថា ចំពោះការរឹតបន្តឹងការអនុវត្តច្បាប់ចរាចរណ៍វិញ នៅក្នុងរយៈពេល ២៤ថ្ងៃ គិតចាប់ពីថ្ងៃទី១ ដល់ថ្ងៃទី២៤ ខែមករា ឆ្នាំ២០២១ យានយន្តដែលល្មើសច្បាប់ចរាចរណ៍មានចំនួនសរុប ២២៤០៧នាក់ ក្នុងនោះម៉ូតូចំនួន ១៦៥៦៥គ្រឿង និងរថយន្តចំនួន ៥៨៤២គ្រឿង រថយន្តតូច ៤៦៧៨គ្រឿង និងធំ ១១៦៤គ្រឿង៕ រក្សាសិទ្ធិដោយៈ ចេស្តារ