ភ្នំពេញ ៖ ក្នុងពេលផ្សារបិទថ្ងៃពុធនេះ សន្ទស្សន៍ផ្សារមូលបត្រកម្ពុជា.បានបង្ហាញនូវសញ្ញាងើបឡើងមកវិញ ដោយបានបិទនៅ៦៤១,៩១ពិន្ទុ ពោលគឺមានកំណើន០,១៨% ធៀបនឹងថ្ងៃអង្គារ។
ភាគហ៊ុនបួន ក្នុងចំណោមប្រាំពីរ រួមមាន ហ្គ្រេនធ្វីន (GTI) កំពង់ផែស្វយ័តក្រុងភ្នំពេញ(PPAP) កំពង់ផែស្វយ័តក្រុងព្រះសីហនុ (PAS) និងផេសថិក (PEPC) បានស្ថិតនៅថេរដដែលត្រឹម៣.៥០០រៀល ១១.៦៨០រៀល ១៣.៩០០រៀល និង២.៩៥០រៀល រៀងគ្នា។
ភាគហ៊ុនអេស៊ីលីដា (ABC) បានបិទជាមួយនឹងកំណើន ៤០រៀល ដល់១៦.៨៦០រៀល បន្ទាប់ពីមានការធ្លាក់ចុះ និងរក្សាថ្លៃថេរប៉ុន្មានថ្ងៃជាប់គ្នាមក។ ភាគហ៊ុនតំបន់សេដ្ឋកិច្ចពិសេសភ្នំពេញ (PPSP) បានបន្តកើនឡើងបីថ្ងៃជាប់គ្នា រហូតដល់ ១.៤៩០រៀល ក្នុងថ្ងៃនេះ ពីត្រឹម១.៤២០រៀលនៅថ្ងៃសុក្រមុន។ ផ្ទុយពីម្សិលមិញ ភាគហ៊ុនរដ្ឋាករទឹកស្វយ័តក្រុងភ្នំពេញ(PWSA) បានធ្លាក់ចុះមកត្រឹម៦.១០០រៀល។ ទំហំជួញដូរភាគហ៊ុនសរុបមានចំនួន៧៧,៨៧លានរៀល៕
រក្សាសិទ្ធិដោយ:CEN
