ភ្នំពេញ-រឿង “ផ្ទះចិញ្ចឹមខ្មោច” ធ្លាប់ជួបរឿង មិនល្អ ខណៈពេលដែលរឿងនេះ ទើបតែចាប់ផ្តើមថតបានបន្តិច
រឿង អាក់ខានមិនឲ្យចេញផ្សាយព្រោះតែភាពសិចស៊ីជ្រុសរបស់តារាសម្តែងនាង ដេននី ក្វាន់ នោះ ឥឡូវនេះ រឿង
“ផ្ទះចិញ្ចឹមខ្មោច” ឃើញមានលេចចេញជា Trailer ហើយ។
បន្ទាប់ពីលេចចេញ Trailer រឿងមួយនេះ ក៏ត្រូវបានចាងហ្វាងផលិតកម្ម លោក សែម វិសាល បញ្ជាក់ថា គ្រោងនឹងដាក់បញ្ចាំងនៅក្នុងខែ មីនា ២០១៨ ខាងមុខនេះហើយ។ លោកបន្ថែមថា រឿងនេះ គឺផលិតឡើង មុនពេលដែលខាងក្រសួងដាក់បម្រាមទៅ ដេននី ក្វាន់ ទៀត ដូច្នេះបើតាមការដាក់បម្រា គឺរឿងនេះ អាចជាប់រហូតដល់ចូលឆ្នាំខ្មែរហើយ ទើបអាចបញ្ចាំងបាន តែដោយសារតែ សាច់រឿង បានកើតឡើងមុនពេលចេញសេចក្តីប្រកាស អីចឹង ទើបរឿង “ផ្ទះចិញ្ចឹមខ្មោច” ត្រូវដាក់បញ្ចាំង នៅថ្ងៃទី ៨ មីនា ២០១៨។
យោងតាម ឈុតឆាក ដែលចេញតាម Trailer រឿង “ផ្ទះចិញ្ចឹមខ្មោច” ពោរពេញដោយឈុតឆាកភ័យរន្ធត់ និងកំប្លុកកំប្លែងទាក់ភ្នែក ដោយមានអ្នកគាំទ្រជាច្រើន បានសរសើរថា ភាពយន្តនេះ នឹងស៊ីវិល័យពេញទំហឹងសម្រាប់ឆ្នាំ២០១៨។ ភាពយន្តនេះ ក៏ត្រូវបានគេមើលឃើញថា ជាភាពយន្តដែលមានគុណភាពល្អជាងពីការផលិតរឿង របស់ផលិតកម្ម Wonderfilm Cambodia ក្នុងដំណាក់កាលមុនៗផងដែរ ជាពិសេស គឺមានគុណភាពល្អ ដោយផ្តោតលើ ពណ៌ និងសំឡេង និងស្តង់ដាគុណភាពតែម្តង។ លោក បន្ថែមថា ប្រសិនបើរឿងមួយនេះ មានចំនុចខ្វះខាត ប្រហែលខាងក្រសួងមិនផ្តល់សិទ្ធឲ្យបញ្ចាំងទេ ដោយសារតែផ្អែកលើតួរឯកស្រី គឺ កញ្ញា ដេននីក្វាន់ក៏ត្រូវខាងក្រសួងផ្អាកការសម្តែង រយៈពេលមួយឆ្នាំផងនោះ៕ ដោយ-គីមស្រីរ័ត្ន