ភ្នំពេញ ៖ ការប្រមាញ់ចាប់ខ្លួនឧក្រិដ្ឋជនស្បែកខ្មៅបានម្នាក់ ធ្វើឡើងដោយមន្ត្រីគយនៅព្រលានយន្តហោះអន្តរជាតិភ្នំពេញ សហការជាមួយ នគរបាលអន្តោប្រវេសន៍ និងនគរបាលមន្ទីរប្រឆាំងគ្រឿងញៀន ដោយមានការសម្របសម្រួល នីតិវិធីពីតំណាងអយ្យការសាលាដំបូងរាជធានីភ្នំពេញ ខណៈដែលជននេះបានព្យាយាមដឹកជញ្ជូនថ្នាំញៀនឆ្លងការកាត់ភ្នំពេញទៅកូរ៉េ។
សមត្ថកិច្ចប្រឆាំងគ្រឿងញៀនបញ្ជាក់ថាប្រតិបត្តិការនេះ ក្តៅគគុកនេះឈានដល់វាយខ្នោះ ជនជាតិអ៊ុយហ្គង់ដាម្នាក់ រួមជា មួយ ថ្នាំញៀនទម្ងន់ជិត២គីឡូក្រាម បម្រុងនាំឡើងយន្តហោះទៅកាន់ប្រទេសកូរ៉េខាងត្បូង។ប្រតិបត្តិការនេះធ្វើឡើងទៅនៅវេលាម៉ោង 21និង45នាទីយប់ ថ្ងៃទី៩ ខែកុម្ភៈ ឆ្នាំ២០២១ នៅចំណុចខាងច្រកចេញដំណើរអន្តរជាតិ។
ឧក្រិដ្ឋជនមានឈ្មោះ MUGARWA.JOEL ភេទប្រុស អាយុ៤៣ឆ្នាំ កាន់លិខិតឆ្លងដែនលេខB1322978 ត្រូវធ្វើដំ ណើរតាមជើងយន្តហោះលេខ(OZ.739)ចេញដំណើរពីភ្នំពេញឆ្ពោះទៅកាន់ប្រទេសកូរ៉េខាងត្បូង។បច្ចុប្បន្នសមត្ថកិច្ច កសាងសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់។
តាមមាត្រា៤០(បទរក្សាទុកដឹកជញ្ជូននិងកែច្នៃសារធាតុញៀនដោយខុសច្បាប់) នៃច្បាប់ត្រួតពិនិត្យគ្រឿងញៀនកម្ពុជា ត្រូវផ្តន្ទាទោសដាក់គុកពី២០ឆ្នាំដល់៣០ឆ្នាំប្រសិនតុលាការរកឃើញកំហុស។
សមត្ថកិច្ចបានដឹងថា ខណៈមន្ត្រីគយកំពុងពិនិត្យទៅលើកញ្ចប់ឥវ៉ាន់ របស់អ្នកដំណើរ ដោយមានការសង្ស័យ ក៏ឆែករកឃើ ញម្សៅពណ៌សចំនួន២ថង់ ដែលលាក់ទុកក្នុងវ៉ាលីយួរដៃ ដូចគ្រឿងញៀន ក៏សហការជាមួយជំនាញពាក់ព័ន្ធឃាត់ខ្លួនម្ចាស់ឥវ៉ាន់ ទើបដឹងថាជាគ្រឿងញៀន មានទម្ងន់សរុប ១,៩២២ .៩០ក្រាម (មួយពាន់ប្រាំបួនរយម្ភៃពីរក្បៀសកៅ សិបក្រាម)ប្រភេទ ថ្នាំញៀនមេតំហ្វេតាមីន៕ រក្សាសិទ្ធិដោយ៖CEN