ភ្នំពេញ ៖ របាយការណ៍របស់អគ្គស្នងការដ្ឋាននគរបាលជាតិបានឲ្យដឹងថា នៅក្នុងគ្រោះថ្នាក់ចរាចរណ៍ទូទាំងប្រទេសរយៈពេល ៤៤ថ្ងៃ ចាប់ពីថ្ងៃទី១ ដល់ថ្ងៃទី១៣ ខែកុម្ភៈ ឆ្នាំ២០២១ បានបណ្តាលឲ្យមនុស្សចំនួន ២១៧នាក់បានស្លាប់ និងរបួសចំនួន ៦០៨នាក់ ក្នុងនោះធ្ងន់ចំនួន ៣៤៨នាក់។
របាយការណ៍បានបន្តថា សម្រាប់គ្រោះថ្នាក់ចរាចរណ៍នៅថ្ងៃទី១៣ ខែកុម្ភៈ ឆ្នាំ២០២១ បានកើតឡើងចំនួន ១១លើក ស្លាប់ ៧នាក់ របួសចំនួន ២២នាក់ ក្នុងនោះរបួសស្រាល ១០នាក់ និងធ្ងន់ចំនួន ១២នាក់។
ចំពោះការរឹតបន្តឹងការអនុវត្តច្បាប់ចរាចរណ៍វិញ នៅក្នុងរយៈពេល ៤៤ថ្ងៃ គិតចាប់ពីថ្ងៃទី១ ដល់ថ្ងៃទី១៣ ខែកុម្ភៈ ឆ្នាំ២០២១ យានយន្តដែលល្មើសច្បាប់ចរាចរណ៍មានចំនួនសរុប ៤០៦៣៨គ្រឿង ក្នុងនោះម៉ូតូចំនួន ៣០០៩០គ្រឿង និងរថយន្តចំនួន ១០៥៤៨គ្រឿង រថយន្តតូច ៨៥៥៣គ្រឿង និងធំ ១៩៩៥គ្រឿង៕ រក្សាសិទ្ធិដោយៈ ចេស្តារ