ភ្នំពេញ ៖ ការឃុំខ្លួនរបស់ចៅក្រមតុលាការធ្វើឡើង នៅថ្ងៃទី១៣ខែកុម្ភៈឆ្នាំ២០២១ បន្ទាប់ពីជនជាប់ចោទត្រូវបានសមត្ថកិច្ចចាប់ខ្លួនជាមួយថ្នាំញៀនជិត ២គីឡូក្រាមក្នុងទិសដៅនាំចេញតាមព្រលានយន្តហោះអន្តរជាតិ ទៅកូរ៉េខាងត្បូងមិនបាន សម្រេចហើយបញ្ជូនមកកាន់អយ្យការអមសាលាដំបូងរាជធានីភ្នំពេញ។
ការបង្ក្រាបដោយសកម្មភាពតាមប្រមាញ់ ឈានដល់ការចាប់ខ្លួនឧក្រិដ្ឋជនស្បែកខ្មៅបានម្នាក់ ធ្វើឡើងដោយមន្ត្រីគយនៅព្រលានយន្តហោះអន្តរជាតិភ្នំពេញ សហការជាមួយ នគរបាលអន្តោប្រវេសន៍ នឹងនគរបាលមន្ទីរប្រឆាំងគ្រឿងញៀន ដោយមានការសម្របសម្រួល នីតិវិធីពីតំណាងអយ្យការ សាលាដំបូងរាជធានីភ្នំពេញ ខណៈដែលជននេះបានព្យាយាមដឹកជញ្ជូនថ្នាំញៀនឆ្លងការកាត់ភ្នំពេញទៅកូរ៉េ។
សូមបញ្ជាក់សមត្ថកិច្ចប្រឆាំងគ្រឿងញៀនបញ្ជាក់ថាប្រតិបត្តិការនេះក្តៅគគុកនេះឈានដល់វាយខ្នោះ ជនជាតិអ៊ុយហ្គង់ដាម្នាក់ រួមជា មួយ ថ្នាំញៀនទម្ងន់ជិត២គីឡូក្រាម បម្រុងនាំឡើងយន្តហោះទៅកាន់ប្រទេសកូរ៉េខាងត្បូង។ប្រតិបត្តិការនេះធ្វើឡើងទៅនៅវេលាម៉ោង ២១និង៤៥នាទីយប់ ថ្ងៃទី៩ ខែកុម្ភៈ ឆ្នាំ២០២១ នៅចំណុចខាងច្រកចេញដំណើរអន្តរជាតិ។
ឧក្រិដ្ឋជនមានឈ្មោះ MUGARWA.JOEL ភេទប្រុស អាយុ៤៣ឆ្នាំ កាន់លិខិតឆ្លងដែនលេខB1322978 ត្រូវធ្វើដំ ណើរតាមជើងយន្តហោះលេខ(OZ.739)ចេញដំណើរពីភ្នំពេញឆ្ពោះទៅកាន់ប្រទេសកូរ៉េខាងត្បូង។បច្ចុប្បន្នសមត្ថកិច្ច កសាងសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់។
សមត្ថកិច្ចបានដឹងថា ខណៈមន្ត្រីគយកំពុងពិនិត្យទៅលើកញ្ច ប់ឥវ៉ាន់ របស់អ្នកដំណើរ ដោយមានការសង្ស័យ ក៏ឆែករកឃើ ញម្សៅពណ៌សចំនួន២ថង់ ដែលលាក់ទុកក្នុងវ៉ាលីយួរដៃ ដូចគ្រឿងញៀន ក៏សហការជាមួយជំនាញពាក់ព័ន្ធ ឃាត់ខ្លួនម្ចាស់ឥវ៉ាន់ ទើបដឹងថាជាគ្រឿងញៀន មានទម្ងន់សរុប ១,៩២២ .៩០ក្រាម (មួយពាន់ប្រាំបួនរយម្ភៃពីរក្បៀសកៅ សិបក្រាម)ប្រភេទ ថ្នាំញៀនមេតំហ្វេតាមីន។
យោងតាមមាត្រា៤០(បទ.រក្សាទុក ដឹកជញ្ជូននិងកែច្នៃសារធាតុញៀនដោយខុសច្បាប់)នៃច្បាប់ត្រួត ពិនិត្យគ្រឿងញៀនកម្ពុជាត្រូវផ្តន្ទាទោសដាក់គុកពី២០ឆ្នាំដល់៣០ឆ្នាំ ប្រសិនតុលាការរកឃើញកំហុស។ ពេលនេះសមត្ថកិច្ចបានរៀបចំសំណុំរឿង នឹងបញ្ជូនទៅសាលាដំបូងរាជធានីភ្នំពេញ ដើម្បីកាត់ទោសតាមច្បាប់គ្រឿងញៀន៕ រក្សាសិទ្ធិដោយ៖CEN