ក្រុមហ៊ុន Forest Harmony Co.,Ltd ដែលជាក្រុមហ៊ុនអភិវឌ្ឍន៍គម្រោង Harmony Valley Complex កាលពីចុងឆ្នាំ២០២០ បានប្រកាសបង្ហាញ គម្រោងដំណាក់កាលទី២របស់ខ្លួនដែលមានឈ្មោះថា GOLF HARMONY សាងសង់លើផ្ទៃដី ២៧,៣ ហិកតា។
គម្រោងនេះនឹងត្រូវបើកដំណើរការសាងសង់នៅត្រីមាសទី ២ ឆ្នាំ២០២១ ដែលនឹងក្លាយជាគម្រោងដំបូងគេបង្អស់មានទីលានវាយកូនហ្គោល និងវីឡាលម្ហែកាយដែលហ៊ុព័ទ្ធដោយធម្មជាតិបៃតងដ៏ស្រស់ស្អាត។
ដំណាក់កាលទី១ របស់គម្រោង Forest Harmony អភិវឌ្ឍន៍លើផ្ទៃដី ១៣ ហិកតា ដែលមានវីឡាលម្ហែកាយ ៧៨ វីឡា។ ដំណាក់កាលទី១នេះ សម្រេចការលក់បានស្ទើរទាំងស្រុងហើយគិតមកទល់នឹងបច្ចុប្បន្ននេះ។
ក្រុមហ៊ុន Century 21 Cambodia ជាក្រុមហ៊ុនអចលនទ្រព្យ ដែលត្រូវបានផ្តល់សិទ្ធជាភ្នាក់ងារលក់ផ្តាច់ មុខរបស់គម្រោងអភិវឌ្ឍន៍ជាច្រើននៅកម្ពុជាជាពិសេសគម្រោងមេ Harmony Valley ដែលរួមមានគម្រោងជាដំណាក់កាលជាច្រើនដូចជា FOREST HARMONY, GOLF HARMONY, RESIDENCE HARMONY, LAGOON HARMONY និងគម្រោង LIVING HARMONY ដែលជាគម្រោងផ្ទះវីឡាលម្ហែកាយនិងខុនដូរប្រណីត រចនាឡើងតាមបែបអ៊ឺរ៉ុប ដែលមានទីតាំង ស្ថិតនៅឃុំព្រៃថ្នង ស្រុកទឹកឈូ និងមានចម្ងាយប្រហែល ១៨ គីឡូម៉ែត្រពីក្រុងកំពត។
ជាមួយគ្នានេះ អតិថិជនដែលចង់ទិញផ្ទះពីគម្រោងវីឡាលម្ហែកាយ Harmony Valley នឹងទទួលបានកម្ចីការប្រាក់ទាប ដោយមានលក្ខណ្ឌងាយស្រួល ព្រមជាមួយរយៈពេលសងត្រលប់ រហូតដល់ទៅ ២០ឆ្នាំ ដោយសារកញ្ចប់កម្ចីទិញផ្ទះ ផ្តល់ដោយធនាគារ BRED Bank (Cambodia)។
លោក Guillaume Perdon ប្រធាននាយកប្រតិបត្តិធនាគារ BRED Bank (Cambodia) បានឱ្យដឹងថា ធនាគារ BRED Bank ផ្តល់សេវាកម្ចីទិញផ្ទះដោយមានការប្រាក់ត្រឹម តែ ៦,៦៦ ភាគរយប៉ុណ្ណោះក្នុងមួយឆ្នាំ សម្រាប់ ឆ្នាំដំបូង ដែលនេះជាអត្រាការប្រាក់សមរម្យ និងមានការប្រកួតប្រជែងនៅក្នុងទីផ្សារនៅកម្ពុជា។ អតិថិជនអាចទទួលទំហំកម្ចីរហូតដល់ទៅ ៨០ ភាគរយ នៃតម្លៃផ្ទះរបស់ពួកគេ។
សូមជម្រាបថា បើតាមលោក Seraj Sutton ដែលជានាយកប្រតិបត្តិនៃក្រុមហ៊ុន Century 21 Cambodia បានឱ្យដឹងថា ធនាគារ Bred Bank សម្រេចផ្តល់កម្ចី ដល់អតិថិជន សូម្បីតែថាត្រឹមជាដីឡូតិ៍ដែលនឹងសាងសង់វីឡា អតិថិជនអាចទទួល កម្ចី បានរហូតដល់ទៅ ៧០ ភាគរយនៃ តម្លៃអចលនទ្រព្យនោះ ៕
រក្សាសិទ្ធិដោយ៖CEN